नवी दिल्ली : वृत्तसंस्था – भारतीय क्रिकेटसाठी डिसेंबरचा महिना हा खास म्हणावा लागेल. कारण 5 तारखेला शिखर धवनने त्याचा वाढदिवस साजरा केला. यानंतर 12 डिसेंबरला युवराज सिंगचा वाढदिवस आहे. तर आज म्हणजेच 6 डिसेंबरला भारताच्या 5 दिग्गज क्रिकेटपटूंचा वाढदिवस आहे. यातले 3 क्रिकेटपटू सध्या भारतीय टीमसोबत ऑस्ट्रेलिया दौऱ्यावर आहेत.
Wishing @karun126, only the second Indian batsman to score a Test triple hundred, a very happy birthday. 🎂👏 pic.twitter.com/o9wNnQa4YH
— BCCI (@BCCI) December 6, 2020
फास्ट बॉलर जसप्रीत बुमराह, ऑलराऊंडर रविंद्र जडेजा आणि श्रेयस अय्यर यांचा आज वाढदिवस आहे. यापैकी फक्त श्रेयस अय्यर ऑस्ट्रेलियाविरुद्धची दुसरी टी-20 मॅच खेळत आहे. जसप्रीत बुमराहला विश्रांती दिली आहे. तर जडेजा दुखापतीमुळे सामन्याला मुकला आहे. तसेच भारताकडून टेस्टमध्ये त्रिशतक करणारा करुण नायर आणि भारताला 2007 साली टी-20 वर्ल्ड कप जिंकवून देणारा माजी फास्ट बॉलर आरपी सिंग याचाही आज वाढदिवस आहे.
Man of the Match on Test debut 💪
2007 World T20-winner 🏆Here's wishing @rpsingh, former #TeamIndia pacer and present member of BCCI's Cricket Advisory Committee, a very happy birthday 🎂👏 pic.twitter.com/4AHJJQMIpo
— BCCI (@BCCI) December 6, 2020
रविंद्र जडेजा :1988 साली जन्मलेल्या रविंद्र जडेजाने टेस्ट क्रिकेटमध्ये आतापर्यंत 213 विकेट घेतल्या आहेत, तर वनडेमध्ये जडेजाने दोन हजारपेक्षा जास्त रन आणि 150 पेक्षा जास्त विकेट घेतल्या आहेत. या खास रेकॉर्डमध्ये सचिन आणि कपिल देव यांचाही समावेश आहे.
Wishing #TeamIndia trio of @Jaspritbumrah93, @imjadeja and @ShreyasIyer15 a very happy birthday. 🎂👏 pic.twitter.com/YAjXcnfcIT
— BCCI (@BCCI) December 6, 2020
जसप्रीत बुमराह : 1993 साली जन्मलेल्या जसप्रीत बुमराह क्रिकेटच्या तिन्ही फॉरमॅटमधला धमाकेदार बॉलर आहे. टेस्टमध्ये बुमराहने 14 मॅचमध्ये 68 विकेट घेतल्या आहेत. तर वनडेमध्ये बुमराहचा इकोनॉमी रेट 4.65 आहे.
श्रेयस अय्यर : 1994 साली जन्मलेल्या श्रेयस अय्यरची वनडे क्रिकेटमधली सरासरी 44.83 आहे. 19 इनिंगमध्ये अय्यरने 807 रन केले आहेत. वनडेमध्ये अय्यरच्या नावावर एक शतक आणि 8 अर्धशतक आहेत. ऑस्ट्रेलियाविरुद्धच्या दुसऱ्या टी-20 मध्ये अय्यरला मनिष पांडेऐवजी संधी दिली आहे. मनिष पांडेच्या कोपराला दुखापत झाल्यामुळे तो या मॅचमध्ये खेळू शकला नाही.