Early Puberty Signs | तुमचा मुलगा किंवा मुलगी अकाली तरुण होत आहेत का? ‘ही’ लक्षणे दिसताच पालकांनी व्हावे सतर्क
file photoपोलीसनामा ऑनलाइन टीम – Early Puberty Signs | आजकाल अनेक पालकांना काळजी वाटते की आपला मुलगा किंवा मुलगी अकाली तरुण होत आहेत. याला अर्ली प्यूबर्टी म्हणतात. प्यूबर्टी म्हणजे कोणत्याही मुलीच्या किंवा मुलाच्या आयुष्यातील तो काळ जेव्हा त्यांच्या शरीरात अनेक बदल घडू लागतात. तारुण्य सामान्यतः मुलींमध्ये 8 ते 13 वर्षे आणि मुलांमध्ये 9 ते 14 वर्षांच्या दरम्यान सुरू होते. परंतु काही वेळा या वयाच्या आधी मुलांमध्ये प्यूबर्टी सुरू होते, ज्याला प्रीकोशियस प्युबर्टी किंवा अर्ली प्यूबर्टी असे म्हणतात. अर्ली प्यूबर्टीची कारणे शोधणे फार कठीण आहे. ज्या मुला-मुलींमध्ये प्यूबर्टी 8 आणि 9 वर्षापूर्वी सुरू होते, त्याला अर्ली प्यूबर्टी म्हणतात. (Early Puberty Signs)
अर्ली प्यूबर्टीची लक्षणे (Early Puberty Symptoms)
सामान्य प्यूबर्टी आणि अर्ली प्यूबर्टीची चिन्हे सारखीच असतात, परंतु त्यांची सुरुवात होण्याची वेळ वेगळी असते. प्यूबर्टीची काही चिन्हे मुले आणि मुलींमध्ये भिन्न असतात. जसे-
मुलांमध्ये, अर्ली प्यूबर्टीमध्ये टेस्टिकल्स, पेनिस आणि स्क्रोटम वाढू लागतात. त्यांच्या आवाजातही बदल होतो. परंतु हे लक्षण मुलांमध्ये खूप उशीरा दिसून येते.
मुला-मुलींमध्ये अर्ली प्यूबर्टीची लक्षणे –
प्रायव्हेट पार्टवर केसांची झपाट्याने वाढ होणे, मुरूमे येणे, शरीराची दुर्गंधी येणे
अर्ली प्यूबर्टीची कारणे (Early Puberty Causes)
अनेक प्रकरणांमध्ये, अर्ली प्यूबर्टीची कारण शोधणे फार कठीण असते. अनेका एखाद्या आजारामुळे अर्ली प्यूबर्टी सुरू होऊ शकते.
अर्ली प्यूबर्टीचे रिस्क फॅक्टर (Early Puberty Risk Factors)
जेंडर –
मुलांपेक्षा मुलींना अर्ली प्यूबर्टी होण्याची शक्यता 10 पट जास्त असते.
जेनेटिक्स –
काहीवेळा, जेनेटिक्स म्यूटेशन जे सेक्स हार्मोन्स रिलिजला ट्रिगर करते, ते अर्ली प्यूबर्टीला कारणीभूत ठरू शकते. अनेकदा या मुलांच्या पालकांना किंवा भावंडांनाही अशाप्रकारची जेनेटिक्स समस्या होते.
वंश –
संशोधकांचे म्हणणे आहे की गोर्‍या मुलींपेक्षा आफ्रिकन अमेरिकन मुलींमध्ये प्यूबर्टी तारुण्य एक वर्ष आधी सुरू होते.
लठ्ठपणा –
मुलींमध्ये अर्ली प्यूबर्टीचे मुख्य कारण म्हणजे लठ्ठपणा असल्याचे अनेक अभ्यासांतून समोर आले आहे. तर मुलांच्या बाबतीत तसे नाही. संशोधक याबाबत पूर्णपणे स्पष्ट नाहीत. (Early Puberty Signs)
अर्ली प्यूबर्टीचा उपचार
– जेव्हा तुम्ही अर्ली प्यूबर्टीच्या समस्येसाठी डॉक्टरकडे जाता तेव्हा ते तुम्हाला काही गोष्टींबद्दल विचारू शकतात. जसे –
– डॉक्टर मुलाच्या मेडिकल हिस्ट्रीबाबत विचारू शकतात.
– मुलाच्या शरीराची तपासणी करू शकतात.
– मुलाची होर्मोन लेव्हल तपासण्यासाठी रक्त तपासणी केली जाऊ शकते.
अर्ली प्यूबर्टी दरम्यान येतात या समस्या (Early Puberty Complications)
अर्ली प्यूबर्टीमध्ये मुलांमध्ये अनेक शारीरिक आणि भावनिक समस्या उद्भवू शकतात. ज्यामध्ये –
कमी उंची –
अर्ली प्यूबर्टी सामान्य प्यूबर्टीपेक्षा लवकर सुरू होते आणि लवकर संपते. प्यूबर्टीच्या शेवटी, मुलाची वाढ देखील थांबते. त्यामुळे लहान वयातच या मुलांची उंची वाढणे थांबते, त्यामुळे त्यांची उंची कमी राहते.
वर्तन संबंधित समस्या
अनेक अभ्यासांमध्ये अर्ली प्यूबर्टी आणि वर्तन यांच्यात मोठा संबंध आढळून आला आहे. या काळात हार्मोन्समधील बदलांमुळे मुले खूप चिडचिड करतात.
सेक्शुअल अ‍ॅक्टिव्हिटीज लवकर सुरू करणे
बहुतेक पालक यामुळे खूप चिंतित असतात, परंतु आजपर्यंत याबद्दल कोणतेही ठोस पुरावे मिळालेले नाहीत, ज्यामुळे हे शोधून काढता येईल की ज्या मुलांचे प्यूबर्टी लवकर सुरू होते, ते लहान वयात लैंगिकदृष्ट्या सक्रिय होतात की नाही.
स्ट्रेस –
प्यूबर्टी हा खूप गोंधळात टाकणारा कालावधी असतो. ज्या मुलांची प्यूबर्टीची सुरुवात लवकर होते, त्यांना इतर मुलांच्या तुलनेत अनेक समस्यांना तोंड द्यावे लागते.
लहान मुलांसाठी अर्ली प्यूबर्टी खूप तणावपूर्ण ठरू शकते. ज्या मुलांची प्यूबर्टी लवकर सुरू होते, त्यांना त्यांच्या वयाच्या मुलांसमोर खूप अवघडल्यासारखे वाटू लागते. अर्ली प्यूबर्टीमुळे ज्या मुलींमध्ये मासिक पाळी लवकर सुरू होते त्या मुलींना खूप त्रास सहन करावा लागतो. अशावेळी प्यूबर्टी काळात होणार्‍या बदलांबद्दल पालकांनी मुलांना नीट समजावून सांगणे गरजेचे आहे.
इतर धोके –
अनेक अभ्यासात असेही आढळून आले आहे की ज्या मुलींमध्ये प्यूबर्टी लवकर सुरू होते त्यांना स्तनाच्या कर्करोगाचा धोका लक्षणीय प्रमाणात वाढतो. पण याबाबत ठोस पुरावा नाही.
पालकांनी घ्यावी या गोष्टींची काळजी (Tips For Parents)
– मुलामध्ये दिसणार्‍या कोणत्याही लक्षणांकडे दुर्लक्ष करू नका.
– जर मुलामध्ये अर्ली प्यूबर्टीची लक्षणे दिसली तर तुम्ही चांगल्या बालरोगतज्ञांशी संपर्क साधणे आवश्यक आहे.
– मुलांनी किंवा पालकांनी अर्ली प्यूबर्टीला एक धोकादायक रोग मानू नये.
– पालकांनी आपल्या मुलांशी प्यूबर्टीबाबत मोकळेपणाने बोलावे.
– मुलांना हे सांगणे महत्त्वाचे आहे की प्युबर्टीत शरीरात जे काही बदल होत आहेत ते अगदी सामान्य आहेत.
– या काळात मुलांना मदत करणे आवश्यक आहे.
हे पाहून समजा की तुमच्या मुलाने केला आहे प्यूबर्टीत प्रवेश
मुलींमध्ये दिसतात ही लक्षणे
– स्तनाचा आकार वाढणे
– काख, पाय आणि जांघेत केसांची वाढ
– मासिक पाळी सुरू होणे
– मुरूमे
मुलांमध्ये दिसतात ही लक्षणे
– टेस्टिकल्स आणि पेनिसचा आकार वाढणे
– बगल, चेहरा आणि जांघेत केसांची वाढ
– स्तनाच्या ऊतींची कमी वाढ
– आवाजात बदल
– मांसपेशी मजबूत होणे
मुरूमे
प्यूबर्टीची ही सर्व चिन्हे एकाच वेळी दिसत नाहीत. उदाहरणार्थ, काही मुलींमध्ये, लहान वयातच स्तनांचा आकार वाढू लागतो. परंतु त्यांच्यात दीर्घकाळापर्यंत प्यूबर्टीची इतर लक्षणे दिसत नाहीत. त्याच वेळी, काही मुला-मुलींमध्ये प्यूबर्टीची लक्षणे दिसण्यापूर्वी काखेत आणि जांघेत केस वाढू लागतात. अशा प्रकारचा पॅटर्न खुप सामान्य आहे.
पालकांनी त्यांच्या मुलांमध्ये दिसणार्‍या प्युबर्टीच्या लक्षणांवर लक्ष ठेवणे महत्त्वाचे आहे. तसेच मुलांना त्यांच्या शरीरात दिसणारे कोणतेही बदल शेअर करण्यास सांगा. मुले मोठी होत असताना पालकांनी वर्षातून एकदा त्यांची वैद्यकीय तपासणी करून घेतली पाहिजे. याच्या मदतीने डॉक्टर तुमच्या मुलांचा प्यूबर्टी पॅटर्न ट्रॅक करू शकतात.
Web Title :- Early Puberty Signs | why girls and boys starting puberty early puberty signs symptoms causes parents should be careful
Join our WhatsApp Group, Telegram, facebook page and Twitter for every update
PM Kisan-Pune | पीएम किसान योजनेच्या चुकीच्या लाभार्थ्यांकडून पैसे वसूल करण्यात जिल्हा प्रशासन ‘फेल’