‘ऑनलाइन कोर्स’ जे ‘नोकरी’ उपलब्ध करून देतात, कोडिंगपासून ते सायबर सिक्युरिटीपर्यंतचे ‘विनामूल्य’ अभ्यास, जाणून घ्या

नवी दिल्ली, वृत्तसंस्था : लॉकडाऊनमुळे घरात राहूनही आपण गुगल वर जाऊन डिजिटल मार्केटिंग, कोडिंग, मशीन लर्निंग, अ‍ॅप डेव्हलपमेंट किंवा सायबर सिक्युरिटी सारखे नवनवीन कोर्सचा विनामूल्य ऑनलाइन अभ्यास करून नवनवीन कौशल्य शिकून स्वतःला जॉबसाठी तयार करू शकतात. हे व्हिडिओ ट्यूटोरियलद्वारे खूप मनोरंजक पद्धतीने शिकवले जातात. या विविध कोर्सेसबद्दल जाणून घेऊया…

सर्व प्रकारच्या व्यवसायांच्या ऑनलाइन मार्केटिंगसाठी आजकाल डिजिटल मार्केटिंगच्या व्यावसायिकांना मोठी मागणी आहे. असे व्यावसायिक इंटरनेट, सर्च इंजिन, सोशल मीडिया किंवा ईमेलद्वारे प्रोडक्ट किंवा सेवांच्या ऑनलाइन विपणनात कुशल असतात. हा कोर्स गुगलवर विनामूल्य केला जात आहे. ‘गेट सर्टिफाईड इन द फंडामेंटल्स ऑफ डिजिटल मार्केटिंग’ हा कोर्स केल्यावर तुम्हाला गुगल कडून ऑनलाईन प्रमाणपत्रही मिळेल, विशेष म्हणजे कॉम्पुटर किंवा लॅपटॉपशिवाय मोबाइलवरही त्याचा अभ्यास करता येतो. या कोर्सचा कालावधी 40 तासांचा आहे, जो आपल्या सोयीनुसार कितीही दिवसांत करता येतो. ऑनलाईन मार्केटींग, सर्च इंजिन मार्केटींग, सर्च इंजिन ऑप्टिमायझेशन, ईमेल मार्केटिंग, सोशल मीडिया मार्केटिंग, कंटेंट मार्केटिंग, व्हिडिओ अ‍ॅडव्हर्टायझिंग, डिस्प्ले अ‍ॅडव्हर्टायझिंग, वेब अ‍ॅनालिटिक्स अशा सर्व विषयांवर व्हिडिओ ट्यूटोरियल्सच्या माध्यमातून यात डिजिटल मार्केटींगशी संबंधित एकूण 26 मॉड्यूल्स आहेत.

कोडिंग/ प्रोग्रामिंग: आपण गुगल (Google) वर घरी विनामूल्य कोडिंग/ प्रोग्रामिंग देखील शिकू शकता. आज हे एक अतिशय मागणीचे क्षेत्र आहे. कोडिंग म्हणजे संगणकाला करावयाच्या कामाची सूचना देण्यासाठी ज्या भाषेचा वापर केला जातो त्यास कोडिंग किंवा प्रोग्रामिंग म्हणतात. गूगलवर दोन प्रकारचे कोडिंग कोर्स उपलब्ध आहेत. एका कोर्सचे नाव ‘अंडरस्टॅंड द बेसिक्स ऑफ कोड’ असे आहे. हा एका तासाच्या कालावधीचा कोर्स आहे. त्याचप्रमाणे 8 तास आणि 11 तासांच्या कालावधीचे इतर दोन कोर्सही उपलब्ध आहेत, ज्यात कोडिंग व संगणक प्रोग्रामिंगविषयी सविस्तर माहिती देण्यात आली आहे.

मशीन लर्निंग: स्वयंचलित मशीन्सच्या वाढत्या मागणीमुळे आजकाल यासंबंधित कोर्सला बरीच मागणी आहे. या तंत्रज्ञानाने सज्ज मशीन्स त्यांचे कार्य मनुष्यांप्रमाणेच करतात. आपण गुगल वरून मशीन लर्निंगचा बेसिक कोर्स करून या दिशेने पावले टाकू शकता. मशीन लर्निंगचे 1 तास आणि 15 तासांच्या कालावधीचे दोन कोर्स उपलब्ध आहेत, ज्यामध्ये त्याच्या मूलभूत गोष्टींबद्दल तपशीलवार माहिती दिली आहे.

सायबर सुरक्षा: ऑनलाइन फसवणूकीच्या वाढत्या घटना लक्षात घेता सायबर सिक्युरिटीत प्रशिक्षित तरुणांची आज प्रत्येक कंपनीत गरज दिसून येत आहे. हा कोर्स गुगलच्या प्लॅटफॉर्मवर ‘इंट्रोडक्शन टू सायबर सिक्युरिटी’ या नावाने विनामूल्य उपलब्ध करुन देण्यात येत आहे. त्याचा कालावधी 35 तासांचा आहे, ज्यामध्ये सायबर सुरक्षेविषयी संपूर्ण बेसिक माहिती दिली आहे.

अ‍ॅप/ वेब डेव्हलपमेंट: जाहिरातींपासून ते उत्पादने व सेवांना ऑनलाइन प्रमोट करण्यासाठी वेबसाइट व अ‍ॅप असणे आवश्यक झाले आहे. सध्याच्या कोरोना संकटानंतर ऑनलाइन व्यवसायात येणाऱ्या भरभराटीमुळे हे क्षेत्र अजून वाढेल असा विश्वास वर्तवला जात आहे. अशा परिस्थितीत जर तुम्हाला वेबसाइट किंवा अ‍ॅप कसे तयार करावे हे शिकायचे असेल तर आपण गुगल कडून घरी बसून 4 तास किंवा 10 तास कालावधीचा हा कोर्स करू शकता. येथे अ‍ॅडव्हान्स कोर्स करण्याची सुविधा देखील आहे.

गूगल वरून कोर्स करण्यासाठी या पद्धतीने लॉग इन करा

डिजिटल मार्केटींग, सायबर सिक्युरिटी आणि मशीन लर्निंगसारखे सर्व कोर्स ‘गुगल डिजिटल गॅरेज’ पेजवर उपलब्ध आहेत. यासाठी, प्रथम त्याच्या https://learndigital.withgoogle.com या लिंकवर जा, जे आपल्याला गुगलच्या मुख्यपृष्ठावर घेऊन जाईल. येथे ‘ऑल कॅटेगरीज’ अंतर्गत डेटा अँड टेक, डिजिटल मार्केटींग आणि करिअर डेव्हलपमेंट असे तीन प्रकारचे पर्याय दिलेले आहेत, जसे की तुम्हाला डेटा आणि टेक प्रकारांतर्गत टेक संबंधित कोर्स करायचे असतील तर त्यातील गॅलरीत जा. संबंधित कोर्सवर क्लिक करा आणि रजिस्टर बटण दाबा आणि लॉगिनमध्ये ईमेल आयडी आणि पासवर्ड टाइप करा. यानंतर, आपण मेलवर गुगलद्वारे पाठविलेल्या लिंकवरून आपण संबंधित कोर्सचा अभ्यास सुरू करू शकता.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like