एस.टी. महामंडळ, डीसीसी बँक,विकास सोसायटी, साखर कारखाना, वीज कंपनीत काम करणाऱ्या कर्मचाऱ्यांना सध्या १५०० ते २००० रूपये पेन्शन मिळते. या विभागातून सेवानिवृत्त झालेल्या कर्मचाऱ्यांना शासकीय नोकरदारांप्रमाणे पेन्शन दिले जात नाही. यामुळे त्या कर्मचाऱ्यांप्रमाणे वाढीव पेन्शन मिळावी यासाठी चंद्रहार आतकरे यांच्या नेतृत्वाखाली सोलापुरात हे आंदोलन करण्यात आले.
यावेळी जिल्हा महसूल कर्मचारी संघटना प्रदेश उपाध्यक्ष गायकवाड, शिक्षक कर्मचारी संघटनेचे प्रशांत लंबे, राज्य सरकारी चतुर्थ मध्यवर्ती संघटनेचे देविदास शिंदे, शंकर जाधव, महाराष्ट्र राज्य जुनी पेन्शन हक्क संघटना व इतर काही संघटनांचा सहभाग होता. दरम्यान, या आंदोलनाची सरकारने वेळीच दखल नाही घेतल्यास अखिल भारतीय स्तरावर तीव्र आंदोलन करण्याचा इशारा संस्थेचे अध्यक्ष महादेव आतकरे व इतर पदाधिकाऱ्यांनी दिला आहे.
