EPFO ने लाँच केली नवी इलेक्ट्रॉनिक सुविधा, ‘या’ कर्मचार्यांना होईल फायदा, असे करा रजिस्ट्रेशन
नवी दिल्ली : वृत्तसंस्था – कर्मचारी भविष्य निर्वाह निधी संघटनेने (ईपीएफओ) प्रमुख एम्प्लॉयर (PRINCIPAL EMPLOYERS) साठी एक इलेक्ट्रॉनिक सुविधा सुरू केली आहे, ज्यामुळे त्यांच्या ठेकेदारांच्या ईपीएफ कम्प्लायन्सेस पाहणे त्यांच्यासाठी सोपे होईल. ईपीएफओने आपल्या अधिकृत ट्विटर हँडलवरून ट्विट करून याबाबतची माहिती दिली. याशिवाय ईपीएफओने आणखी एक नवीन सुविधा सुरु केली आहे, ज्याअंतर्गत कर्मचारी घरबसल्या आपली नोकरी सोडण्याची तारीख अपडेट करू शकतात.
जाणून घ्या कोण असतो प्रमुख नियोक्ता
एखाद्या कारखान्यात मालक किंवा उद्योजक किंवा मॅनेजरला एक प्रमुख नियोक्त मानले जाते, परंतु एखाद्या संस्थेत किंवा कंपनीत, तो व्यक्ती जो संस्थेत किंवा कंपनीचे नियंत्रण आणि पर्यवेक्षणात सहभागी आहे, त्यास मुख्य नियोक्ता मानले जाते. प्रमुख नियोक्ता तो आहे जो एका ठेकेदाराच्या माध्यमातून कराराद्वारे काम नियोजित करतो. आता ईपीएफओने प्रभावी अंमलबजावणीसाठी संबंधित करार नियोक्त्यांसोबत प्रिंसिपल नियोक्त्यांना इंटरलिंक करण्याची सुविधा सुरू केली आहे.
या ऑनलाइन सुविधेसाठी रजिस्ट्रेशन कसे करायचे ?
या सुविधेचा लाभ घेण्यासाठी कर्मचारी ईपीएफओची वेबसाइट https://unifiedportal-emp.epfindia.gov.in/epfo/ वर जाऊ शकतात.
स्वत: टाकू शकतात नोकरी सोडण्याची तारीख
ईपीएफओने आपल्या खातेधारकांसाठी एक ऑनलाइन सुविधा सुरू केली आहे. याद्वारे ईपीएफ खातेधारक नोकरी सोडल्याची तारीख स्वत: अपडेट करू शकतात म्हणजे ते ईपीएफओच्या रेकॉर्डमध्ये सांगू शकतात की, त्यांनी आपली संस्था कधी सोडली.
असे करा ऑनलाइन अपडेट
युनिफाईड सदस्य पोर्टल https://unifiedportal-mem.epfindia.gov.in/memberinterface/ वर जाऊन UAN आणि पासवर्डसह लॉग इन करा.
यानंतर Manage वर जा आणि Mark Exit वर क्लिक करा. ड्रॉप डाऊन अंतर्गत Select Employment वरून PF Account Number निवडा.
यानंतर Date of Exit आणि Reason of Exit नोंदवा. नंतर Request OTP वर क्लिक करा आणि आधारशी लिंक्ड मोबाइल नंबरवर प्राप्त ओटीपी नोंदवा. यानंतर चेक बॉक्स सेलेक्ट करा.
शेवटी Update वर क्लिक करा आणि नंतर OK वर क्लिक करा. Date of Exit यशस्वीपणे अपडेट झाली आहे.