केरळात अजूनही १ हजार नागरिक पुरात अडकलेत

देशातील सातवे सर्वाधिक वर्दळीचे विमानतळ असलेले कोची विमानतळ पुरपरिस्थितीमुळे २६ ऑगस्टपर्यंत बंद ठेवण्यात येणार आहे. पुरग्रस्तांना अन्न, औषधे आणि पाणी पुरविण्यासाठी मदतपथके दिवसरात्र काम करत आहेत. काही भागात पुराचे पाणी ओसरण्यास सुरूवात झाली असली तरी याठिकाणच्या लोकांना अन्न, पिण्याचे पाणी पुरविण्याची मोठी कामगिरी पार पाडावी लागत आहे. शिवाय साथीच्या रोगांनीही याभागात थैमान घातले आहे. विशेषता कोची आणि तिरूवअनंतपुरम येथे अनेक पुरग्रस्तांना साथीच्या आजारांनी ग्रासले आहे. मध्य केरळातील त्रिसूर येथे मागील चोवीस तासात पाऊस पडलेला नसल्याने काही पुरग्रस्त आपआपल्या घरी परतू लागले आहेत. येथे काम करणाऱ्या मदतपथकांनी अजून मोठ्या प्रमाणात औषंधांची गरज भासत असल्याचे म्हंटले आहे. अन्न, औषधांची पाकीटे काही भागात हेलिकॉप्टरमधून टाकण्यात येत आहेत.
[amazon_link asins=’B079QTGHG3′ template=’ProductCarousel’ store=’policenama-100′ marketplace=’IN’ link_id=’a32578bc-a454-11e8-948e-33cbd992a391′]

केरळाचे मुख्यमंत्री पिनराई विजयन यांनी सांगितले की, पुरग्रस्तांना पुरविण्यासाठी राज्याकडे पुरेसा अन्नधान्याचा साठा आहे. बहुतांश महामार्ग पाण्याखाली असल्याने अन्न आणि अन्य साहित्य पुरग्रस्तांपर्यंत पोहोचविण्यात अडचणी येत आहेत. अजूनही केरळातील ७ लाख पुरग्रस्त हे ५६४५ आश्रय केंद्रांमध्ये आहेत. सीमा सुरक्षा दलाची दोन मोठी जहाजे मदतीसाठी रविवारी तिरूवअनंतपुरममध्ये पोहोचली आहेत. साठ टन औषधांचा साठा आणि पुणे, मुंबईतील सत्तर डॉक्टर राज्याच्या राजधानीत पोहोचले आहेत.

पुरग्रस्तांना बाहेर काढण्यासाठी मदत करणाऱ्या मच्छिमारांचेही मुख्यमंत्र्यांनी आभार मानले आहेत. त्यांच्या सर्व बोटींना प्रत्येक दिवसाचे तीन हजार रूपये देण्यात येणार आहेत, असेही मुख्यमंत्री म्हणाले.

केरळात ८ ते १५ ऑगस्टदरम्यान सरासरीपेक्षा २५० टक्क्यांपेक्षा जास्त पाऊस झाल्याचे संबंधित विभागाने म्हटले असून पाण्याचा निचरा करण्यासाठी आता ३५ धरणांतून पाणी सोडण्यात येत आहे.
[amazon_link asins=’B07B6DM75J’ template=’ProductCarousel’ store=’policenama-100′ marketplace=’IN’ link_id=’ab09bbdc-a454-11e8-88cb-734f65bc31ab’]