INX Media Case : ‘संपत्ती’, ‘प्रसिद्धी’ आणि ‘पावर’चा ‘थरार’, जाणून घ्या
नवी दिल्ली : वृत्तसंस्था – आयएनएक्स मीडियाशी संबंधित प्रकरणात केंद्रीय अन्वेषण ब्युरोने (सीबीआय) बुधवारी रात्री दहा वाजता माजी केंद्रीय गृह व अर्थमंत्री पी. चिदंबरम यांना अटक केली. त्यानंतर आज त्यांना ५ दिवसांसाठी CBI कोठडी दिली गेली आहे. चिदंबरम हे देशाचे पहिले गृहमंत्री आणि अर्थमंत्री आहेत ज्यांना भ्रष्टाचाराच्या प्रकरणात सीबीआयने अटक केली आहे. आयएनएक्स मीडियाला ३०५ कोटी रुपयांच्या विदेशी गुंतवणूकीच्या मंजुरीतील भ्रष्टाचाराबद्दल सीबीआय त्यांची चौकशी करेल. जेव्हा ही मंजुरी देण्यात आली तेव्हा चिदंबरम केंद्रीय अर्थमंत्री होते. चिदंबरम यांच्यावर सुमारे सहा प्रकरणांचा तपास सुरू आहे. यातील सर्वात मोठे प्रकरण आयएनएक्स मीडियाशी संबंधित आहे. चिदंबरम आणि त्याचा मुलगा कार्ती यांच्यावरही एअरसेल-मॅक्सिस डीलचा आरोप आहे. चिदंबरम यांच्याविरूद्ध इतर मोठ्या प्रकरणांमध्ये शारदा चिट फंड प्रकरण, विमान घोटाळा आणि इशरत जहां प्रकरणांचा समावेश आहे.
चिदंबरम यांच्या मुलाशी संबंधित कंपनीला आयएनएक्सने लाच दिली :
सीबीआयने आपल्या एफआयआरमध्ये म्हटले आहे की आयएनएक्स मीडियाने परदेशी गुंतवणूकीसाठी मान्यता मिळवण्यासाठी कंपनीला लाच दिल्याचा आरोप आहे. चिदंबरम यांचा मुलगा कार्ती चिदंबरम याच्याशी संबंधित कंपनीवर हा आरोप असून माजी अर्थमंत्र्यांनी मात्र सीबीआयचा आरोप फेटाळून लावला आहे आणि सांगितले की ही रक्कम सल्लामसलत करून देण्यात आली होती आणि ज्या कंपनीला ही रक्कम दिली गेली तिच्याशी त्यांच्या मुलाचा काही संबंध नाही. आयएनएक्स मीडिया ही तीच कंपनी आहे ज्यांचे प्रवर्तक एकेकाळी पीटर आणि इंद्राणी मुखर्जी असायचे. इंद्राणी मुखर्जी यांची मुलगी शीना बोरा यांच्या हत्येप्रकरणी हे दोघे सध्या तुरूंगात आहेत. एकेकाळी शीना बोरा हत्येची घटनाही चर्चेत होती.
चिदंबरम मुलाच्या मदतीसाठी बोलले असल्याचे इंद्राणीने म्हटले होते :
आयएनएक्स मीडिया प्रकरणात जेव्हा एनफोर्समेंट डायरेक्टरेट (ईडी) आयएनएक्सचे प्रवर्तक इंद्राणी मुखर्जी यांच्याकडे विचारपूस करीत होते तेव्हा पी. चिदंबरम तपास यंत्रणांच्या रडारवर आले. या चौकशीत इंद्राणी यांनी सांगितले होते की, चिदंबरम यांनी परदेशी गुंतवणूकीच्या करारामध्ये मुलगा कार्तीला मदत करण्याबद्दल सांगितले होते. चिदंबरम यांच्यावरील सर्वात मोठा आरोप म्हणजे आयएनएक्स मीडिया ग्रुपला ३०५ कोटी रुपयांच्या परकीय गुंतवणूकीसाठी परकीय गुंतवणूक प्रोत्साहन मंडळाने (एफआयपीबी) मंजूर केलेला घोटाळा होय. ही केस २००७ ची असून चिदंबरम हे त्यावेळी कॉंग्रेसप्रणीत संयुक्त पुरोगामी आघाडीच्या (यूपीए) कार्यकाळात अर्थमंत्री होते. सीबीआयचा आरोप आहे की कार्तीच्या हस्तक्षेपानंतर आयएनएक्स मीडियाला एफआयपीबीने परदेशी गुंतवणूक सुरक्षित करण्यासाठी मान्यता दिली होती.
कार्ती चिदंबरम म्हणाले, पीटर आणि इंद्राणी मुखर्जी यांना कधीही भेटलाे नाही :
दुसरीकडे पी. चिदंबरम यांचे पुत्र कार्ती चिदंबरम यांनी आयएनएक्स मीडियाचे प्रवर्तक पीटर मुखर्जी किंवा त्यांची पत्नी इंद्राणी मुखर्जी यांच्याशी असलेला कोणताही संबंध नाकारला असून वडिलांच्या अटकेस सूडबुद्धीचे राजकारण म्हटले आहे. आयएनएक्स मीडिया प्रकरणात बुधवारी रात्री उशिरा चिदंबरम यांना अटक झाल्यानंतर कार्ती गुरुवारी सकाळी चेन्नईहून दिल्लीला दाखल झाले. एजन्सीच्या अहवालानुसार, दिल्ली विमानतळाबाहेर आल्यानंतर ते म्हणाले की, फक्त माझ्या वडिलांनाच लक्ष्य करण्याचा नाही, तर कॉंग्रेस पक्षाला लक्ष्य करण्याचा हा कट आहे. याविरोधात मी जंतर-मंतरवर आंदोलन करेन.
कार्ती म्हणाले की त्यांचे वडील पी चिदंबरम यांना सीबीआयसमोर हजर राहण्याची कायदेशीर आवश्यकता नव्हती. त्याचे वडील लपून बसले असल्याचेही त्यांनी नाकारले. ते म्हणाले की, अनेक प्रयत्न करूनही सीबीआयला त्यांच्याविरूद्ध कोणताही सबळ पुरावा सापडला नाही. त्यामुळे खटल्याला कोणताही कायदेशीर आधार नाही. आरोप खोटे आहेत. ते म्हणाले की त्यांना एजन्सीच्या नियमांची माहिती आहे आणि आजपर्यंत सीबीआयने कोणालाही दोन तासांची नोटीस दिली नाही. कार्ती म्हणाले की, मला २० वेळा समन्स बजावण्यात आले आणि चार वेळा छापा टाकला. या प्रत्येक वेळी मला एका आठवड्याचा कालावधी देण्यात आला होता.
आयएनएक्स मीडिया प्रकरणातील प्रमुख घटनाक्रम :
मे २०१७ : सीबीआयने २००७ मध्ये परदेशी गुंतवणूकीशी संबंधित प्रकरणांची नोंद केली.
२०१८ : ईडीने चिदंबरम विरोधात गुन्हा दाखल केला. सीबीआयने समन्स पाठविले.
मे २०१८ : चिदंबरम यांनी अटकपूर्व जामिनासाठी दिल्ली उच्च न्यायालयात अपील केले.
जुलै २०१८ : हायकोर्टाने चिदंबरम यांना अन्य दोन प्रकरणांत अटक न करण्याचे आदेश दिले.
जानेवारी २०१९: चिदंबरम यांच्या जामीन अर्जावर निर्णय.
२० ऑगस्ट २०१९ : दिल्ली उच्च न्यायालयाने चिदंबरम यांचा जामीन अर्ज फेटाळला.
- फक्त २ अक्रोडने मोकळ्या होतील शरीरातील सर्व नसा, अशाप्रकारे करा वापर
- वजन वाढण्याची चिंता आहे का ? ‘हे’ ५ पदार्थ बिनधास्त खा, वाढणार नाही वजन
- स्मोकिंग सोडल्याच्या २० मिनिटापासून ‘ते’ १० वर्षानंतर शरीरावर असा होतो परिणाम
- आपल्या बेबीसाठी सर्वात चांगले तेल कसे निवडावे ? जाणून घ्या माहिती
- हरड, बहेला, आँवला, घी सक्कर में खाए ! हाथी दाबे काँख मे, साठ कोस ले जाए !!
- तांदळाच्या पाण्याने चेहरा धुतल्याने होतात मोठे फायदे, तुम्हीही करून पहा
- पार्टीनंतर होणारा हँगओव्हर दूर करण्यासाठी मदत करतील ‘हे’ 9 उपाय
- दही-भात खाण्याचे ५ मोठे फायदे, तुम्हीसुध्दा अवश्य ट्राय करून पहा