पुलवामा हल्ला : शहीदाची पत्नी बनली सासु-सासर्‍याचा ‘आधार’, सांगितलं पतीवर आहे ‘गर्व’
File Photoनवी दिल्ली : वृत्तसंस्था – पुलवामा दहशतवादी हल्ल्याला आज वर्ष पूर्ण झाले. या हल्ल्यात ४० भारतीय जवानांना वीरमरण आले. यातील ढेवा गावचे (हिमाचल प्रदेश) शहीद जवान तिलक राज यांची पत्नी सावित्री देवी म्हणाल्या की, ‘आपल्या पतीच्या हौतात्म्याचा त्यांना अभिमान आहे. पतीची आठवण विसरणे शक्य नाही, परंतु मी स्वत:ला सांभाळले आहे. मुख्यमंत्र्यांनी मुले व सासू सासऱ्यांचा आधार होण्यासाठी करुणामूलक आधारावर सहा महिन्यांत सरकारी नोकरी दिली होती.’
शहीद तिलक राज केवळ एक कलाकार नव्हते तर ते एक उत्तम खेळाडू बरोबरच देशाचे रक्षण करण्यासही तितकेच उत्कट होते. त्यांच्या गाण्याची आजही लोक आठवण काढतात. ते स्वतः कोणत्याही क्षेत्रात मागे नव्हते, तसेच त्यांच्या गावातील इतर तरुणांनाही प्रोत्साहन देत. त्यांच्या बलिदानानंतर त्यांच्या कुटुंबियांना जरी एक वर्षानंतर थोडासा पाठिंबा मिळाला असला तरी त्यांच्या जखमा अजूनही ताज्या आहेत. जवानाच्या पत्नीला सरकारी नोकरी मिळताच कुटुंबाची आर्थिक परिस्थिती सुधारली आहे. शहीदांच्या अंत्यसंस्काराच्या वेळी मुख्यमंत्री जयराम ठाकूर यांनी आमदार अर्जुन ठाकूर यांच्या मागणीवरून केलेल्या सर्व घोषणा सहा महिन्यांत पूर्ण झाल्या. आता लोकांचीही मागणी आहे की जर त्यांच्या घरापासून जाणारा रास्ता बांधला गेला तर त्या हुतात्म्याला खरी श्रद्धांजली ठरेल.
त्याच वेळी जवानाचे वडील लायक राम आणि आई विमला देवी यांचे म्हणणे आहे की, देशाच्या सुरक्षेसाठी आपला मुलगा शहीद झाला मुलाच्या या हौतात्म्याचा अभिमान आहे. कुटुंबाला आधार मिळाला आहे, परंतु तरुण मुलाच्या मृत्यूने मिळालेली जखम कधीही भरणार नाही. हौतात्म्याचा वेळी सरकारने काही घोषणा केल्या होत्या, त्या पूर्ण झाल्या आहेत. ढेवा गावच्या शाळेला शहीद तिलक राज राज्य उच्च माध्यमिक शाळा असे नाव देण्यात आले आहे. त्यांनी तिलक यांच्या पत्नीला सरकारी नोकरी देऊन मदत केली आहे.