Kishori Pednekar | किशोरी पेडणेकर यांचा एकनाथ शिंदेंना खोचक टोला; म्हणाल्या – ‘तुम्ही सोडून गेलात हाच मोठा गौप्यस्फोट, आता…’

मुंबई : पोलीसनामा ऑनलाइन – राज्यात सत्तांतर झाल्यानंतर मुख्यमंत्री एकनाथ शिंदे (CM Eknath Shinde) यांना मोठा पाठिंबा मिळत असल्याने शिवेसेनेची (Shivsena) डोकेदुखी वाढली आहे. पक्षप्रमुख उद्धव ठाकरे (Party Chief Uddhav Thackeray) हे पक्ष आणि संघटना वाचवण्यासाठी प्रयत्न करत असताना पाहायला मिळत आहेत. तर दुसरीकडे आदित्य ठाकरे (Aditya Thackeray) हे राज्यात दौरे करत आहेत. असे असले तरी शिवसेनेला लागलेली गळती थांबण्याचे नाव घेत नाही. अनेक कार्यकर्ते, पदाधिकारी शिंदे गटात (Shinde Group) सहभागी होत आहेत. अशातच मुंबईच्या माजी महापौर (Mumbai Former Mayor) किशोरी पेडणेकर (Kishori Pednekar) यांनी मुख्यमंत्री एकनाथ शिंदे यांना खोचक टोला लगावला आहे. किशोरी पेडणेकर (Kishori Pednekar) यांच्या घरी गणरायाचे आगमन झाल्यानंतर त्यांनी प्रसार माध्यमांना प्रतिक्रिया दिली.

आता आणखी काय स्फोट करणार
किशोरी पेडणेकर (Kishori Pednekar) म्हणाल्या, एकनाथ शिंदे सोडून गेले, हाच मोठा गौप्यस्फोट आहे. आता आणखी काय स्फोट करणार आहेत, काय बोलायचं ते बोलू देत, अंस पेडणेकर यांनी म्हटले आहे. तसेच शिवसेनेच्या मागे लागलेलं शुक्लाकाष्ट संपू दे, त्याचा लवकरात लवकर निकाल लागावा असेही त्या म्हणाल्या. त्यांच्याकडे शिवसेनेचे उपनेतेपद देण्यात आले. यावर बोलताना त्या म्हणाल्या मी शिवसेना पक्षावर दाखवलेल्या निष्ठेचे हे फळ आहे.

तुमच्या जाण्यानेच मोठा…
तुमच्या जाण्यानेच मोठा गौप्यस्फोट झाला. यापेक्षा अजून काय स्फोट करणार.. भाजपला (BJP) जे पाहिजे, ते देण्याची कृपा करु नका. काय बोलायचे ते बोलू देत. मग जनता ठरवेल, स्फोट आहे की आणखी काही आहे…, असं मुख्यमंत्री एकनाथ शिंदे यांना प्रत्युत्तर देताना पेडणेकर म्हणाल्या. तसेच निष्ठेने काम करताना फळ मिळतं त्यामुळेच माझी उपनेते पदी निवड झाल्याचे त्यांनी म्हटले.

लवकरात लवकर निकाल लागावा
हे जे काही शुक्लाकाष्टक शिवसेनेच्या मागे लागले आहे, त्याचा लवकरात लवकर निकाल लागावा.
जनतेच्या मनातही धाकधूक, राग, द्वेष आहे, तो संपू देत. दोन वर्षांनी मोकळा श्वास घेत आहेत.
आपल्या सर्वांचा लाडका बाप्पा आहे. सगळं देणारा हा देव आहे.
सर्वांचे भल, कल्याण कर अशी प्रार्थना मी करते, असे पेडणेकर यांनी म्हटले आहे.

Web Title :- Kishori Pednekar | shivsena leader and bmc former mayor kishori pednekar slams chief minister eknath shinde and bjp

Join our WhatsApp Group, Telegram, facebook page and Twitter for every update

हे देखील वाचा

BJP-MNS Alliance | ‘भाजप-मनसेला युती करण्याची गरज नाही, कारण…’, शिवसेना नेत्याचा मोठा दावा; राजकीय चर्चांना उधाण

SSY | व्याजदर वाढण्यापूर्वी सुकन्या समृद्धीमध्ये झाले 5 बदल, पैसे जमा करणार्‍यांनी जाणून घ्याव

Maharashtra Politics | शिंदे गटाकडून आदित्य ठाकरेंना धक्का देण्याची तयारी, श्रीकांत शिंदेंना मिळणार ‘ही’ जबाबदारी?