पोलीसनामा ऑनलाइन टीम – मोहरीचे तेल स्वयंपाकघर ते शरीरावर लावण्यापर्यंत वापरले जाते. मोहरीचे तेल स्वयंपाकात वापरले जाणारे एक सामान्य तेल आहे. जे आरोग्य आणि सौंदर्य दोन्हीसाठी वापरले जाते. मोहरीच्या तेलात असे बरेच घटक आढळतात जे आपल्या शरीरात जखम भरणे, सांधेदुखी किंवा कान दुखणे यासारख्या गोष्टींमध्ये खूप उपयुक्त असतात. आयुर्वेदात आणि बऱ्याच औषधांत याचा वापर केला जातो. मोहरीच्या तेलाने मालिश केल्याने शरीरातील वेदना कमी होऊ शकते. मोहरीचे तेल त्वचेच्या उजळविण्यासाठी चांगले मानले जाते. परंतु ज्यांना अ‍ॅलर्जी आहे त्यांनी ते टाळावे. जाणून घेऊया मोहरीच्या तेलाच्या फायद्यांविषयी….
मोहरीच्या तेलाचे फायदे :
– मोहरीच्या तेलाने नियमित मालिश केल्याने सांधेदुखी बरी होते. यामुळे शरीरातील ताठरपणादेखील दूर केला जाऊ शकतो.
– मोहरीचे तेल हिरड्यांसाठी फायदेशीर मानले जाते. मोहरीच्या तेलात मीठ टाकून हिरड्यांना मालिश केल्यास हिरड्यांचे दुखणे थांबते आणि दात पांढरे होतात.
– मोहरीचे तेल वापरुन बुरशीजन्य संसर्गाचा धोका टाळता येतो. मोहरीच्या तेलामध्ये अ‍ईलिल आइसोथिओसायनेट नावाचा घटक आढळतो जो फंगल संसर्गाच्या जोखमीपासून बचाव करण्यास मदत करू शकतो.
– मोहरीचे तेल पचन आणि खोकल्यातही उपयुक्त मानले जाते. मोहरीच्या तेलाने बनविलेले अन्न खाल्यास गॅस अपचनाची समस्या टाळता येते.