Kranti Redkar | क्रांती रेडकरचा खुलासा ! ‘मराठी असल्याचा मला अभिमान, मला आणि मुलांना जीवे मारण्याची धमकी’
मुंबई : पोलीसनामा ऑनलाइन – आर्यन खान प्रकरणावरुन (Aryan Khan Drug Case) गेल्या काही दिवसांपासून वेगळं वळण घेण्यास सुरुवात केली आहे. यामध्ये राष्ट्रवादीचे (NCP) नेते नवाब मलिक (Nawab Malik) हे पत्रकार परिषद घेऊन गंभीर आरोप करत आहेत. तर एनसीबीचे (NCB) अधिकारी समीर वानखेडे (Sameer Wankhede) हे त्यांचे आरोप फेटाळत आहे. आरोप प्रत्यारोप सुरु असताना समीर वानखेडे यांच्या पत्नी आणि अभिनेत्री क्रांती रेडकर (Kranti Redkar) यांनी पत्रकार परिषद घेऊन मलिक यांचे आरोप फेटाळून लावले. क्रांती रेडकर (Kranti Redkar)आणि यास्मिन वानखेडे (Yasmin Wankhede) यांनी पत्रकरा परिषद घेऊन खुलासा केला आहे.
क्रांती रेडकर (Kranti Redkar) म्हणाल्या, मी मराठी असल्याचा मला अभिमान (I am proud to be Marathi) आहे.
पण मला आणि मुलांना जीवे मारण्याच्या धमक्या (Death threats) येत आहेत हेही सत्य आहे.
नवाब मलिकांच्या आरोपांवर बोलण्याची मला काहीही गरज नाही. त्यांना खरंतर वेळच उत्तर देईल, असं क्रांती रेडकर यांनी म्हटलं आहे.
समीर वानखेडे यांच्यावर करण्यात आलेले आरोप पूर्णपणे खोटे असून त्यात काहीच तथ्य नाही. आरोप करणाऱ्या नवाब मलिकांना आमच्या शुभेच्छा आहेत.
Mumbai | I have been given police protection as our family is receiving death threats… A lot of people may benefit if Sameer Wankhede is removed from his current post at Narcotics Control Bureau: Kranti Redkar Wankhede, wife of NCB officer Sameer Wankhede pic.twitter.com/EAYTWVW6bQ
— ANI (@ANI) October 26, 2021
चौकात जिवंत जाळण्याची धमकी
मीडिया ट्रायल करुन आरोप सिद्ध होत नाहीत. त्यांच्याकडे पुरावे आहेत तर मग ते ट्विटरवर का पोस्ट करतात ? त्यांनी कोर्टात (Court) जावं, असंही रेडकर यांनी म्हटले.
यासोबत हे संपूर्ण प्रकरण सुरु झाल्यापासून जीवे मारण्याच्या धमक्या येत असल्याचाही खुलासा त्यांनी केला आहे.
सोशल मीडिया, फोन कॉल्स वरून तुम्हाला जीवे मारू, चौकात जीवंत जाळू अशा धमक्या येत आहेत.
या धमक्यांचे स्क्रिनशॉट आमच्याकडे आहेत. ते सर्व फेक अकाऊंट्स (Fake account) आहेत आणि त्याची सायबर सेलच्या (cyber cell) माध्यमातून यामागचा खरा सूत्रधार कोण हे शोधून काढणार आहे. समीर वानखेडे यांना बदनाम करण्यासाठी यामागे एक संपूर्ण यंत्रणा कामाला लागली असल्याचे क्रांती रेडकर यांनी म्हटले.
ज्यानं पत्र लिहिलं त्यांनी समोर यावे
नवाब मलिक यांनी आज जाहिर केलेल्या पत्रावरही जोरदार टीका रेडकर यांनी केली. ज्यानं पत्र लिहिलंय त्यानं समोर येऊन आरोप करावा.
सत्य आहे तर असं मागच्या मार्गानं का सांगायचं? थेट येऊन जाहीर करावं. सत्याचा मार्ग अनेकांना खटकतो. पण शेवटी सत्याचाच विजय होतो.
आम्ही केवळ ट्विटरबाजी करत नाही. मलिकांना योग्यवेळी उत्तर दिलं जाईल, असंही रेडकर यांनी म्हटले.
Web Title : Kranti Redkar | actress kranti redkar says i am proud be marathi death threats against me and children
Join our WhatsApp Group, Telegram, facebook page and Twitter for every update