नवी दिल्ली : वृत्तसंस्था – २०१९ च्या समाप्तीपूर्वीच कोरोना विषाणूने जगामध्ये प्रवेश केला होता. वर्ष २०२० या विषाणूमुळे पूर्णपणे विचलित झाले होते. भारतातील या साथीच्या आजारामुळे लाखो लोक बेरोजगार झाले. देशात घेतल्या गेलेल्या बर्‍याच परीक्षांचेही वाईट परिणाम झाले. बर्‍याच परीक्षा रद्द झाल्या तर काही तारखांमध्ये बदल करण्यात आले. परंतु या परीक्षांच्या नवीन तारखांबाबत अधिसूचना वेळोवेळी देण्यात आली आहे. या आदेशानुसार आणखी काही परीक्षांच्या नव्या तारखांची घोषणा करण्यात आली आहे.
सीजीएस परीक्षा
कोरोनामुळे यूपीएससी कंबाईंड जिओ-सायंटिस्टच्या परीक्षेची तारीखही बदलली गेली. परंतु आता केंद्रीय लोकसेवा आयोगाने आपल्या नवीन तारखेविषयी सांगितले आहे. आता २१ फेब्रुवारी २०२१ रोजी ही परीक्षा घेण्यात येणार आहे. या परीक्षेची संपूर्ण माहिती तुम्ही अधिकृत वेबसाईट Upsc.Gov.In या संकेतस्थळावर पाहू शकता.
एसबीआय पीओ परीक्षा
या परीक्षेची अधिसूचना पाहिले १३ नोव्हेंबर २०२० रोजी देण्यात आली होती. पण आता त्याची नवी तारीख जाहीर करण्यात आली आहे. आता त्याची पूर्व परीक्षा ३१ डिसेंबर २०२०, ०२ जानेवारी, ०४ जानेवारी आणि ०५ जानेवारी रोजी घेण्यात येणार आहे. मेन्सची परीक्षा २९ जानेवारी २०२१ घेण्यात येणार आहे. या परीक्षेची संपूर्ण माहिती तुम्ही अधिकृत वेबसाइट Sbi.Co.In
वर जाऊन पाहू शकता.
आरआरबी मेन्स परीक्षा
आयबीपीएस आरआरबी मधील अधिकारी स्केल- I ची परीक्षा १८ ऑक्टोबर २०२० रोजी घेण्यात येणार होती परंतु साथीच्या संसर्गामुळे ती रद्द झाली. पण त्याची नवी तारीख आली असून आता ही परीक्षा ३० जानेवारी २०२१ नंतर घेण्यात येणार आहे. या परीक्षेची संपूर्ण माहिती तुम्ही अधिकृत वेबसाईट-Ibps.In वर जाऊन पाहू शकता.