Maharashtra Political Crisis | ‘आधी निकाल येऊ द्या, मग आपले ज्ञान पाजळा’- संजय शिरसाट
मुंबई : पोलीसनामा ऑनलाइन – महाराष्ट्रातील सत्तासंघर्षाबाबत सर्वोच्च न्यायालय (Supreme Court) गुरुवारी निकाल जाहीर करणार आहे. अवघ्या काही तासात निकाल जाहिर होणार असून राज्याच्या राजकारणात (Maharashtra Political Crisis) घडामोडींना वेग आला आहे. यातच राजकीय वर्तुळातून प्रतिक्रिया येण्यास सुरुवात झाली आहे. ठाकरे गटाने (Thackeray Group) निकाल आपल्याच बाजूने लागेल असा दावा केला आहे. तर शिंदे गटाचे (Shinde Group) आमदार संजय शिरसाट (MLA Sanjay Shirsat) यांनी आधी निकाल येऊ द्या मगच सर्वांनी आपले ज्ञान पाजळावे, असे म्हटले आहे.
शिवसेना ठाकरे गटाचे खासदार आणि सुरुवातीपासून या प्रकरणाच्या प्रक्रियेत भाग असलेले अनिल देसाई (MP Anil Desai) यांनी उद्याच्या निकालाबाबत भाष्य केलं आहे. न्यायालयाचा निकाल (Maharashtra Political Crisis) भारताची लोकशाही समृद्ध करणारा असले. हा निकाल आमच्या बाजुने लागेल, अशी आम्हाला खात्री आहे. या निर्णयाची संपूर्ण जग वाट पाहत आहे. याची उत्सुकता प्रत्येकाला आहे. सत्तासंघर्षाच्या प्रत्येक सुनावणीला हजर होतो. या निकालावेळीही दिल्लीत असेन. जी जबाबदारी दिली आहे, ती जबाबदारी मी पार पाडेन. सर्वोच्च न्यायालय भारतीय संविधानाला (Indian Constitution) धरुन आणि भारताची लोकशाही (Democracy of India) समृद्ध करणारा निकाल देईल, असा आम्हाला पूर्ण विश्वास आहे. संविधानात ज्या तरतूदी आहेत. त्या तरतुदींप्रमाणेच निर्णय ते देतील अशी खात्री आहे. न्यायालय जो निर्णय देईल त्याचे आम्ही स्वागत करु, असे अनिल देसाई यांनी म्हटले.
शिंदे गटाचे आमदार संजय शिरसाट म्हणाले, आधी निकाल येऊ द्या मगच सर्वांनी आपले ज्ञान पाजळावे. सर्व जण सुप्रीम कोर्टाचे जज असल्यासारखे प्रतिक्रिया देत आहेत. निकाल हा आमच्या बाजूनेच लागेल. कारण आम्ही काही चुकीचे केलेले नाही. आता धास्ती कोणाला आहे तर ठाकरे गटाच्या आमदारांना आहे. कारण आम्ही पात्र झालो तर ते अपात्र होतील, असे शिरसाट यांनी म्हटले.
विरोधक, कायदे तज्ज्ञ जे बोलत आहेत त्यांना माझा सल्ला आहे थोड थांबा. मग बोला. संजय राऊत त्यांच्या पक्षाचे नेते आहेत,
त्यांना आपल्या पक्षासाठी बोलावं लागतं. पण आधी निकाल येऊ द्या, मग बोला. सर्वांमध्ये वेगवेगळे मतप्रवाह आहेत.
आपण हे सगळे प्रकरण विधानसभा अध्यक्षांकडे वर्ग केले जाईल अशी खरी प्रक्रिया आहे. त्यामुळे यासंदर्भातला निकाल हे अध्यक्षच लावतील,
असे मत शिरसाट यांनी व्यक्त केले.
Web Title :- Maharashtra Political Crisis | shinde-group-sanjay-shirsat-reaction-about-
supreme-court-hearing-on-maharashtra-political-crisis
Join our WhatsApp Group, Telegram, facebook page and Twitter for every update