×
Homeताज्या बातम्याMeena Deshmukh | दुर्देवी ! ज्येष्ठ लावणी कलावंत मीना देशमुख यांचे अपघाती...

Meena Deshmukh | दुर्देवी ! ज्येष्ठ लावणी कलावंत मीना देशमुख यांचे अपघाती निधन

पोलीसनामा ऑनलाईन टीम : Meena Deshmukh | नुकतेच महामार्गावरील भीषण अपघातात ‘तुझ्यात जीव रंगला मालिकेतील’ कल्याणी कुरळे हिचा मृत्यू झाला होता. आता कल्याणीनंतर पुन्हा एकदा एकाला देखील अशाच अपघातात आपला जीव गमवावा लागला असून ज्येष्ठ लावणी कलावंत मीना देशमुख यांचा अपघातात मृत्यू झाला आहे. या अपघातात तीन जण जखमी झाले आहेत. या घटनेने मीना देशमुख यांच्या कुटुंबावर शोककळा पसरली आहे. (Meena Deshmukh)

 

ज्येष्ठ लावणी कलावंत मीना देशमुख या रविवारी रात्री आपल्या फॉर्च्यून कारने मोडलिंबकडून पंढरपूर कडे जात होत्या. गाडीत त्यांच्यासोबत त्यांची मुलगी, नात आणि ड्रायव्हर होते. रात्रीची वेळ असल्याने अरुंद पुलावरून गाडी जात असताना ड्रायव्हरचे नियंत्रण सुटल्याने गाडी 50 फूट खोल कालव्यात पडली. कालवा इतका खोल होता की याची माहिती पटकन कोणालाही मिळाली नाही. माहिती मिळायला उशीर झाला. मात्र अपघाताची माहिती मिळताच बाजूच्या गावातील लोकांनी घटनास्थळी धाव घेत मदत कार्याला सुरुवात केली. तर ॲम्बुलन्स बोलावून गावकऱ्यांनी जखमींना तात्काळ रुग्णालयात पाठवले. मात्र मीना देशमुख यांचा जागीच मृत्यू झाला होता. (Meena Deshmukh)

 

कालव्यात उतरण्यासाठी पुरेशी जागा नसल्याने गावातील लोकांनी जखमींना दोरीच्या सहाय्याने बाहेर काढले. यामुळे जखमींना उपचार देण्यास उशीर झाला. तर मदत कार्य करण्यास देखील अनेक अडथळे निर्माण झाले होते. ज्या ठिकाणी हा अपघात झाला त्या ठिकाणी पंढरपूर-कुर्डुवाडी येथील रस्त्याच्या चौपदरीकरणाचे काम सुरू आहे.

 

Web Title :- Meena Deshmukh | veteran lavani artist meena deshmukh death in pandharpur fortuner car accident

 

Join our WhatsApp GroupTelegramfacebook page and Twitter for every update

 

हे देखील वाचा

 

Abdul Sattar On Thackeray Group | “एखाद्या महिलेनं मला चोर, गद्दार म्हंटलं तर कसं सहन करणार’? अब्दुल सत्तार यांचा प्रश्न

Bigg Boss Marathi | बिग बॉस मराठीच्या घरात ‘या’ कलाकारांनी घेतली वाईल्ड कार्ड एन्ट्री

BCCI-Guinness Book Of World Record | गुजरातमधील नरेंद्र मोदी स्टेडियमचा मोठा विश्वविक्रम; ‘गिनीज वर्ल्ड रेकॉर्डने घेतली दखल

Must Read
Related News