हनी ट्रॅप : रहस्य उघड झाल्यानंतर तरूणीला रिमांडमध्ये घेणार पोलीस, आरोपी जेलमध्ये

नवी दिल्ली : वृत्तसंस्था – लष्करी जवानांना हनी ट्रॅपमध्ये फसवणार्‍या तरूणीला पोलीस लवकरच रिमांडमध्ये घेऊ शकतात. पोलिसांचा दावा आहे की, आरोपी तरूणीकडे सापडलेल्या पाच मोबाइलच्या डेटाची तपासणी सुरू आहे. मोबाइलमध्ये बंद रहस्य उघड झाल्यानंतर चौकशीसाठी तिला रिमांडमध्ये घेण्यात येईल. तर गुरूवारी नौचंदी पोलिसांनी आरती आणि अंकुरला कारागृहात पाठवले.

इन्स्पेक्टर नौचंदी संजय वर्मा यांच्यानुसार, आरतीकडे सापडलेल्या पाचही मोबाइलची तपासणी सायबर सेल करत आहे. या मोबाइलमधून डिलिट केलेच्या डेटाच्या रिकव्हरीसाठी ते फॉरेन्सिक लॅबमध्ये पाठवले जातील. एसपी सिटी डॉ. अखिलेश नारायण सिंह यांनी सांगितले की, प्रकरणात पुरावे गोळा केल्यानंतर आरोपींना रिमांडमध्ये घेतले जाईल. प्रकरण लष्करी जवानांशी संबंधीत आहे. हे पाहता सुरक्षा एजन्सीज एटीएम आणि आयबी सुद्धा आरोपींना रिमांडमध्ये घेऊ शकते. नौचंदी पोलीसांनी दोन्ही आरोपींच्या बँक खात्याची सुद्धा माहिती घेतली आहे.

लष्करी जवानांकडून सुद्धा घेतली जाऊ शकते माहिती
हनी ट्रॅपमध्ये अडकलेल्या लष्करी जवानांची सुद्धा सुरक्षा एजन्सीज चौकशी करू शकतात. पोलिसांचा दावा आहे की, दोन जवानांची फसवणूक करून घेतलेले सामान दोन्ही आरोपींकडून जप्त करण्यात आले आहे. सुरक्षा एजन्सीज त्या लष्करी जवानांची सुद्धा माहिती घेत आहेत, जे यांच्या जाळ्यात फसले होते.

प्रकरण खुपच गंभीर
हे प्रकरण खुप गंभीर आहे. पोलिसांसह सुरक्षा एजन्सीज सुद्धा तपास करत आहेत. सुरक्षेत घुसखोरीचा कोणताही पुरावा जप्त मोबाइलमधून मिळाल्यास दोन्ही आरोपींना रिमांडमध्ये घेतले जाईल.
– अजय कुमार साहनी, एसएसपी.