अहमदनगर : पोलीसनामा ऑनलाईन – सहा वर्ष वयाच्या विद्यार्थिनीवर चौदा वर्षाच्या मुलाने लैंगिक अत्याचार केला. पाथर्डी तालुक्यात ही संतापजनक घटना घडली आहे. याप्रकरणी अल्पवयीन मुलाविरुध्द पाथर्डी पोलिस स्टेशनमध्ये बलात्काराचा गुन्हा नोंदविण्यात आला आहे. या घटनेमुळे पाथर्डी तालुक्यात मोठी खळबळ उडाली आहे.
याबाबत समजलेली माहिती अशी की, पीडित बालिका इयत्ता पहिलीत शिक्षण घेत आहे. घरी कोणी नसल्याचे पाहून त्या मुलीला शेतात नेले. तेथे इयत्ता सातवीत शिकणाऱ्या 14 वर्षाच्या मुलाने तिच्यावर लैंगिक अत्याचार केला. मुलीचे आई व वडिल हे दोघेही मंगळवारी शेतात काम करण्यासाठी गेले होते. ते सायंकाळी घरी आल्यानंतर मुलीच्या अंगातून रक्तस्त्राव होत असल्याचे त्यांच्या लक्षात आले. बुधवारी सकाळी पालकांनी मुलीला एक खासगी हॉस्पिटलमध्ये उपचारासाठी नेले. खासगी डॉक्टरने सरकारी रुग्णालयात जावून उपचार करण्यास सांगितले. त्यानंतर आई-वडिल मुलीला घेऊन पाथर्डी येथील उपजिल्हा रुग्णालयात घेऊन गेले. त्यावेळी या बालिकेवर अत्याचार झाल्याचे स्पष्ट झाले.
याप्रकरणी पीडित मुलीच्या आईने दिलेल्या फिर्यादीवरून पाथर्डी पोलीस ठाण्यात 14 वर्षाच्या मुलाविरुद्ध ‘पोक्सो’ कायद्यांतर्गत गुन्हा दाखल करण्यात आला आहे. पुढील तपास पोलिस निरीक्षक रमेश रत्नपारखी यांच्या मार्गदर्शनाखाली सुरू आहे.
- रोज काही वेळ तर्जनीवर दाब दिल्यास होतील ‘हे’ खास फायदे
- गुलाबाच्या पाकळ्या देतात १० आरोग्य फायदे, अवश्य जाणून घ्या
- ‘एरियल योग’ माहित आहे का ? मसल्स, खांदे आणि स्पाइन होईल मजबूत
- ‘बॅलन्स डायट’ म्हणजे काय? यासाठी जेवणात कोणते पदार्थ असावेत?
- ‘मॅग्नेशियम’ची कमतरता असल्यास होतात ‘या’ समस्या, असे ओळखा संकेत
- आरोग्याच्या ‘या’ समस्या किरकोळ असल्या तरी घ्या ‘डॉक्टरां’चा सल्ला
- हिरव्या पालेभाज्यांसह ‘लाल’ रंगाच्या भाज्यामध्येदेखील आहेत ‘ही’ पौष्टिक तत्व
- लक्ष केंद्रित का होत नाही ? जाणून घ्या यामागील कारणे
- ‘दीर्घायुषी’ होण्याचा मार्ग सापडला, जगा ‘असे’ आयुष्य
- सेक्स लाईफचा आनंद घेण्यासाठी रोज ‘हे’ पौष्टिक पदार्थ खा