अँटिलीया प्रकरण : कार मालक मनसुख हिरेनला त्रास देत होते काही लोक, माजी तपास अधिकाऱ्याने केला खुलासा
file photoमुंबई : पोलीसनामा ऑनलाइन – भारतातील सर्वात श्रीमंत उद्योगपती मुकेश अंबानी यांच्या अँटिलिया बंगल्यासमोर आढळलेल्या संशयित स्कॉर्पिओ कारचे प्रकरण अधिकच गुंतागुंतीचे बनले आहे. शुक्रवारी विरोधीपक्षनेते देवेंद्र फडणवीस यांनी याप्रकरणाची राष्ट्रीय अन्वेषण यंत्रणेकडून (एनआयए) चौकशी केली जावी, अशी मागणी केली. दरम्यान आज सकाळी साडेनऊच्या सुमारास त्या संशयास्पद स्कॉर्पिओ कारचा मालक मनसुख हिरेन याचा संशयास्पद मृत्यू झाला. दरम्यान, या प्रकरणाची पहिल्यांदा चौकशी करणारे अधिकारी सचिन वाझे म्हणाले की, मी मनसुख हिरेनला ओळखतो. कारण तो ठाण्याचा आहे. मी नुकताच त्यांना भेटलो नाही, पण त्यांना बहुधा कधीतरी भेटलो असेल.
सचिन वाझे यांच्यानुसार मनसुख हिरेनने प्रत्यक्षात तक्रार नोंदविली होती की, असे काही पोलिस अधिकारी आणि पत्रकार आहेत जे त्यांना त्रास देत होते. मला याखेरीज आणखी काही माहिती नाही. महाराष्ट्रचे माजी मुख्यमंत्री देवेंद्र फडणवीस यांच्या आरोपावर सचिन वाजे म्हणाले की, घटनास्थळी पोहोचणारा मी पहिलाच व्यक्ती नव्हतो. प्रथम वरिष्ठ पोलिस निरीक्षक गामदेवी येथे पोहोचले, त्यानंतर वाहतूक अधिकारी. त्यानंतर डीसीपी झोन 2 घटनास्थळी पोहोचला. यानंतर बीडीडीएसची टीम घटनास्थळी पोहोचली. आणि त्यानंतर मी माझ्या गुन्हे शाखेच्या पथकासह घटनास्थळी पोहोचलो.
सचिन वाजे म्हणाले की, मला समजले की, मनसुख हिरेनने ठाणे आयुक्त आणि मुंबई पोलिस आयुक्तांकडे तक्रार केली होती की, काही लोक त्याचा छळ करीत आहेत. वाजे यांनी स्पष्टपणे सांगितले की, जेव्हा मनसुख हिरेनची गाडी चोरी झाली तेव्हा तो त्यांना भेटला नव्हता. असा आरोप केला जातोय की, मनसुख क्रॉफर्ड मार्केटमध्ये आला आणि मला भेटला, ही गोष्ट पूर्णपणे खोटी आहे.
दरम्यान, अंबानींच्या घराजवळ सापडलेली संशयास्पद काळी कार मनसुख हिरेनची होती, जी चोरी झाली होती. त्या कारमधून जिलेटिनच्या 20 कांड्या जप्त केल्या. ज्या स्फोटांसाठी वापरले जातात. तसेच कारमधून धमकी देणारे पत्रही मिळाले होते. ज्यात म्हटले होते कि, हा फक्त ट्रेलर आहे. नीता भाभी, मुकेश भैय्या, ही फक्त एक झलक आहे. पुढच्या वेळी हे सामान पूर्णपणे आपल्याकडे येईल आणि पूर्ण बंदोबस्त झाला आहे. ‘ दरम्यान अधिकाऱ्यांना आढळले की, त्या दिवशी रात्री एकच्या सुमारास स्कॉर्पिओ कार तिथेच उभी होती. तेथे स्कॉर्पिओ कार व्यतिरिक्त एक इनोव्हा देखील होता. स्कॉर्पिओ कारचा चालक कार तिथेच सोडत इनोव्हात गेला.