पिंपरी : पोलीसनामा ऑनलाइन – पिंपरी चिंचवड महानगरपालिकेत (PCMC) 27 तृतीयपंथी कर्मचाऱ्यांची सुरक्षा विभागात कंत्राटी पद्धतीने नियुक्ती करण्यात आली होती. सुरक्षा विभागात रखवालदाराचे मदतनीस आणि ग्रीन मार्शल पथकासाठी कर्मचारी म्हणून 27 तृतीयपंथीय काम करत आहेत. त्यांच्या कामाचा सहा महिन्यांचा करार संपत आल्याने त्यांना आता 2 महिन्यांची मुदतवाढ महापालिकेने (PCMC) दिली आहे. यासाठी होणाऱ्या खर्चास महापालिका आयुक्त शेखर सिंह यांनी स्थायी समितीच्या बैठकीत मंजुरी दिली आहे.
सुरक्षा विभागातील रखवालदाराचे मदतनीस आणि ग्रीन मार्शल पथकातील कर्मचारी म्हणून तत्कालीन आयुक्त राजेश पाटील यांनी 27 तृतीयपंथीयांची कंत्राटी पद्धतीने नियुक्ती केली होती. एमके फॉसिलिटीज सर्व्हिसेस – 8 कर्मचारी,
नॅशनल सिक्युरिटी सर्व्हिसेस – 8 कर्मचारी, सैनिक इंटेलिजन्स अँड सिक्युरिटी सर्व्हिसेस 7 कर्मचारी आणि
क्रिस्टल इंटिग्रेटेड सर्व्हिसेस 4 कर्मचारी अशी एकूण 27 तृतीयपंथीयांची नियुक्ती राजेश पाटील यांनी 1 जुलै 2022
ते 31 डिसेंबर 2022 या कालावधीसाठी केली होती. त्यांना दरमहा 18 हजार 570 रुपये वेतन देण्यात येत होते. आता त्यांना दोन महिन्यांचा कालावधी वाढवून मिळाला असून, त्यांचा 1 जानेवारी 2023 ते 28 फेब्रुवारी 2023 पर्यंत कामाचा कार्यकाळ असणार आहे.
Web Title :- PCMC | transgenders were appointed on contractual basis as janitors assistants and staff pcmc news
Join our WhatsApp Group, Telegram, facebook page and Twitter for every update
IND vs BAN 2nd ODI | भारतीय संघाला मोठा धक्का; रोहित शर्माला गंभीर दुखापत, रुग्णालयात दाखल
Supriya Sule | ‘हे अजिबात चालणार नाही’ ! संसदेत सुप्रिया सुळे आक्रमक