Pune Crime News | पुणे महापालिकेच्या आरोग्य निरीक्षकावर विनयभंगाचा गुन्हा दाखल; सफाई कामगार महिलेकडे शरीर सुखाची केली मागणी
पुणे : Pune Crime News | सफाई कामगार असलेल्या विधवा महिलेकडे शरीर सुखाची मागणी करुन जातीवाचक शिवीगाळ केल्याप्रकरणी पुणे महापालिकेच्या आरोग्य निरीक्षक (PMC Health Inspector), ठेकेदारासह तिघांवर गुन्हा दाखल करण्यात आला आहे. (Pune Crime News)
आरोग्य निरीक्षक मंगलदास माने (Mangaldas Mane), ठेकेदार शिवाजी सुळ, आणि संजय वाघमारे अशी गुन्हा दाखल झालेल्यांची नावे आहेत. याबाबत बिबवेवाडीतील एका ४० वर्षाच्या महिलेने भारती विद्यापीठ पोलीस ठाण्यात (Bharati Vidyapeeth Police Station) फिर्याद (गु. रजि. नं. ६४१/२३) दिली आहे. (Pune Crime News)
याबाबत पोलिसांनी दिलेल्या माहितीनुसार, फिर्यादी या महापालिकेत सफाई कामगार म्हणून काम करत आहेत.
फिर्यादी या असहाय व विधवा असल्याचे माहिती असताना मंगलदास माने याने त्यांच्याकडे शरीर सुखाची मागणी
करुन त्यांच्या मनास लज्जा उत्पन्न केली. तसेच पैशांची मागणी केली. त्या सुट्टीवरुन १० एप्रिल रोजी परत आल्यावर
हजर होण्याची चिठ्ठी घेण्यासाठी ठेकेदार शिवाजी सुळ याच्याकडे गेल्या होत्या.
त्यावेळी त्याने फिर्यादी यांना तू माने साहेबांकडे जा, तुम्ही जातीवर जाणार असे बोलून जातीवाचक शिवीगाळ केली.
याबाबत त्यांनी या दोघांविरुद्ध तक्रार अर्ज केला होता. हा अर्ज मागे घेण्यासाठी संजय वाघमारे याने धमकी दिली.
पोलिसांनी अॅट्रोसिटी अंतर्गत गुन्हा दाखल केला असून सहायक पोलीस आयुक्त शिरगावकर (ACP Shirgaonkar) तपास करीत आहेत.
Join our WhatsApp Group, Telegram, facebook page and Twitter for every update
हे देखील वाचा