Pune Crime News | कोंढव्यात दहशत माजविणार्‍या अट्टल गुन्हेगारावर MPDA, पोलिस आयुक्त रितेश कुमार यांची आतापर्यंतची 27 वी कारवाई
file photoपुणे : पोलीसनामा ऑनलाइन – Pune Crime News | कोंढवा पोलिस स्टेशनच्या (Kondhwa Police Station) हद्दीत दहशत माजविणार्‍या सराईत गुन्हेगारावर पोलिस आयुक्त रितेश कुमार (IPS Ritesh Kumar) यांनी एमपीडीए कायद्यान्वये (MPDA Act) कारवाई केली असून त्यास वर्षभराकरिता स्थानबध्द करण्यात आले आहे. (Pune Crime News)
शाहबाज उर्फ लंबु इलियाज खान Shahbaz alias Lambu Ilyaz Khan (21, रा. सर्व्हे नं. 5, आश्रफनगर, लेन नं. 7, अल्लाहु अकबर बिल्डींग, फ्लॅट नं. 202, कोंढवा) असे कारवाई करण्यात आलेल्या सराईत गुन्हेगाराचे नाव आहे. शाहबाज खानने त्याच्या साथीदारांसह कोंढवा पोलिस ठाण्याच्या हद्दीत लोखंडी रॉड, धारदार हत्याराने खुनाचा प्रयत्न, विनयभाग, जबरी चोरी, दंगा करणे, बेकायदेशीररित्या हत्यार बाळगणे यासारखे गंभीर स्वरूपाचे गुन्हे केले आहेत. गेल्या 5 वर्षामध्ये त्याच्याविरूध्द 5 गुन्हे दाखल आहेत. त्याच्या गुन्हेगारी कृत्यांमुळे परिसरात सार्वजनिक सुव्यवस्थेस बाधा निर्माण झालेली होती. त्याच्यापासून जीविताचे व मालमत्तेचे नुकसान होईल या भितीमुळे नागरिक त्याच्याविरूध्द उघडपणे तक्रार करत नव्हते. (Pune Crime News)
त्यापार्श्वभुमीवर कोंंढवा पोलिसांनी त्याच्यावर एमपीडीए कायद्यान्वये कारवाई होण्याकामी वरिष्ठ पोलिस अधिकार्‍यांकडे प्रस्ताव सादर केला होता. त्यास मंजुरी देण्यात आली असून शाहबाज खान याच्याविरूध्द कारवाई करण्यात आलेली आहे. पोलिस आयुक्तांनी आतापर्यंत 27 सराईत गुन्हेगारांवर एमपीडीए कायद्यान्वये कारवाई केलेली आहे.
आरोपीस स्थानबध्द करण्यामध्ये कोंढवा पोलिस ठाण्याचे वरिष्ठ पोलिस निरीक्षक संतोष सोनवणे (Sr PI Santosh Sonawane) आणि गुन्हे शाखेतील (Pune Police Crime Branch) पीसीबीच्या वरिष्ठ पोलिस निरीक्षक वैशाली चांदगुडे (Sr PI Vaishali Chandgude) यांनी महत्वाची भुमिका बजावली आहे.
Web Title : Pune Crime News | Police Commissioner Ritesh Kumar’s 27th MPDA Action On Criminals
Join our WhatsApp Group, Telegram, facebook page and Twitter for every update
हे देखील वाचा