Pune Crime | तुझी ‘गारवा हॉटेलमालका’सारखी गत होईल; जमिनीच्या वादातून धमकी देणार्‍या 5 जणांवर FIR दाखल
file photoपुणे : Pune Crime | हॉटेल व्यवसायातील स्पर्धेतून ऊरुळी कांचन (uruli kanchan) येथील गारवा हॉटेलचे (Hotel Garva) मालक रामदास आखाडे (Ramdas Akhade) यांचा सुपारी देऊन खुन केला गेला होता. जमिनीच्या वादातून एका महिलेला अशा प्रकारे तुझी गारवा हॉटेलच्या मालकासारखी गत होईल, अशी धमकी देण्याचा धक्कादायक (Pune Crime) प्रकार ऊरुळी कांचनमध्ये घडला आहे.
याप्रकरणी लोणी काळभोर पोलिसांनी (Loni Kalbhor Police) महेश बगाडे, सारिका बगाडे, ओंकार बगाडे, अविष्कार बगाडे, केशव बगाडे (सर्व रा. ऊरुळी कांचन) यांच्यावर गुन्हा दाखल केला आहे. याबाबत आराधना कैलास कांचन (वय ४९, रा. बगाडे मळा, दत्तवाडी, ऊरुळी कांचन) यांनी लोणी काळभोर पोलीस ठाण्यात फिर्याद दिली आहे.
फिर्यादी यांची जमीन आहे. त्या ठिकाणी प्लॉटला तार कंपाऊंट करण्यासाठी त्यांनी ३१ जुलै रोजी कामगारांना बोलावले होते. आरोपींना या कामगारांना हुसकावून लावले. त्याचा फिर्यादी व त्यांचे पती यांनी जाब विचारला असताना आरोपींनी बेकायदा जमाव जमविला. सारिका बगाडे हिने फिर्यादी यांना हाताने मारहाण करुन कसल्या तरी हत्याराने त्यांच्या मनगटावर मारुन जखमी केले. फिर्यादी यांच्या पतीस शिवीगाळ करुन ‘ही जागा माझ्या भावाची आहे. तुला भरपूर जागा आहे. तू ही जागा घेऊ नको. नाही तर तुझी गारवा हॉटेलच्या मालकासारखी गत होईल,’’ अशी धमकी दिली़ व पोलिसांकडे तक्रार केली तर मर्डर करुन टाकील, अशी धमकी दिली. सहायक फौजदार दिवेकर तपास करीत आहेत.
Pune Crime | कोंढव्यात युवकावर कोयत्याने सपासप वार करुन खुन; उपचारादरम्यान झाला मृत्यू