पुणे : पोलीसनामा ऑनलाइन – Pune Kasba Peth Chindhwad Bypoll Election | भाजप आमदार मुक्ता टिळक (BJP MLAs Mukta Tilak) आणि लक्ष्मण जगताप (Laxman Jagtap) यांच्या निधनामुळे पुण्यातील कसबा आणि चिंचवड विधानसभेचे मतदारसंघ रिक्त झाले आहेत. या जागांसाठी पोटनिवडणूक जाहीर झाली आहे. येत्या 26 फेब्रुवारीला दोन्ही ठिकाणी मतदान होणार आहे. बुधवार (दि.8) पासून प्रचाराला सुरुवात होणार आहे. परंतु या निवडणुकीत मनसेची (MNS) काय भूमिका असणार, मनसे भाजपला पाठिंबा देणार का? याकडे सर्वांचे लक्ष लागले होते. अखेर मनसेने आपली भूमिका स्पष्ट केली आहे. (Pune Kasba Peth Chinchwad Bypoll Election)
प्रचारात सहभागी न होण्याचे आदेश
मनसे प्रमुख राज ठाकरे (MNS Chief Raj Thackeray) यांचे आदेश येईपर्यंत कोणाच्याही प्रचारात सहभागी होऊ नका, असे आदेश मनसचे पुणे शहराध्यक्ष साईनाथ बाबर (Sainath Babar) यांनी पक्षातील पदाधिकाऱ्यांना तसेच मनसेसैनिकांना दिले आहेत. त्यामुळे या दोन्ही मतदारसंघात मनसे तटस्थ राहणार का? हे पहावे लागेल. (Pune Kasba Peth Chinchwad Bypoll Election)
चिंचवडमध्ये तिरंगी लढत
कसबा पोट निवडणुकीत भाजपने टिळक कुटुंबाला डावलून हेमंत रासने (Hemant Rasne) यांना उमेदवारी दिली आहे. तर चिंचवडमध्ये लक्ष्मण जगताप यांच्या पत्नी अश्विनी जगताप (Ashwini Jagtap) यांना उमेदवारी दिली आहे. तर कसबा मतदारसंघातून महाविकास आघाडीने (Mahavikas Aghadi) रवींद्र धंगेकर (Ravindra Dhangekar) यांना निवडणुकीच्या रिंगणात उतरवले आहे. त्यामुळे कसब्यात धंगेकर आणि रासने यांच्या थेट लढत होणार आहे. चिंचवडमध्ये राष्ट्रवादीने नाना काटे (Nana Kate) यांना उमेदवारी दिली आहे. तर राहुल कलाटे (Rahul Kalate) यांनी अपक्ष उमेदवारी अर्ज भरला आहे. त्यामुळे चिंचवडमध्ये तिरंगी लढत होणार आहे.या सर्व पार्श्वभूमिवर मनसे कोणाला पाठिंबा देणार याकडे सर्वांचे लक्ष लागले आहे. परंतु सध्यातरी मनसेने तटस्थ राहण्याची भूमिका घेतल्याचे पाहायला मिळत आहे.
Web Title :-Pune Kasba Peth Chinchwad Bypoll Election | who will mns support in kasba chinchwad by election big update ahead
Join our WhatsApp Group, Telegram, facebook page and Twitter for every update
