पुणे : पोलीसनामा ऑनलाइन – Pune RPO News | अलिकडच्या काळातील पासपोर्टची वाढती मागणी लक्षात घेवुन पुणे विभागीय पासपोर्ट कार्यालयाने (Pune Regional Passport Office) येत्या शनिवारी म्हणजेच दि. 29 एप्रिल रोजी पासपोर्ट कार्यालये आणि पासपोर्ट सेवा केंद्रांमध्ये पासपोर्ट मेळावा आयोजित केला आहे. (Pune RPO News)
सदरील पासपोर्ट मेळाव्यामध्ये सामान्य म्हणजेच नॉर्मल पासपोर्ट काढणारे तसेच तात्काळ (अर्जंट) पासपोर्ट (Tatkal Passport) काढणार्या या दोन्ही श्रेणीतील अर्जदारांना मेळाव्यासाठी अपॉइंटमेंट घेता येईल. यापुर्वीच पासपोर्टसाठी अर्ज भरल्याने पुढच्या तारखेची अपॉइंटमेंट मिळालेले अर्जदार देखील मेळाव्यासाठी त्यांची तारीख ही रिशेड्यूल करू शकतील. पण, तारीख बदलण्याची ही संधी त्यांना केवळ एकदाच मिळणार आहे. (Pune RPO News)
अर्जदार हे जर दिलेल्या वेळेमध्ये अनुपस्थित राहिले तर त्यांना नवीन तारीख मिळणार नाही. अनुपस्थित राहणार्या अर्जदारांचे अर्जाची फीस ही जप्त होऊ शकते अशी माहिती पुणे पासपोर्ट विभागातर्फे देण्यात आलेली आहे. पासपोर्ट मेळाव्यासाठी विभागाच्या वेबसाईटवर अपॉइंटमेंट उपलब्ध झालेल्या आहेत. नवीन अपॉइंटमेंट घेण्याची इच्छा असणार्यांनी https://www.passportindia.gov.in येथे ऑनलाइन फॉर्म भरावा आणि फीस भरावी. त्यानंतर अपॉइंटमेंट निश्चित करण्यासाठी याच वेबसाईटवर पुन्हा लॉग इन करावे आणि ही प्रक्रिया पुर्ण केल्यानंतरच वेबसाईटवर अपॉइंटमेंटचे कन्फर्मेशन दिसणार आहे.
Web Title :- Pune RPO News | Passport Mela On Coming Saturday In pune
Join our WhatsApp Group, Telegram, facebook page and Twitter for every update