यावेळी तिचे अंगावरील साडीने पेट घेतल्याने रंजना बाहेर पळाली. समोरून तिचा पती गणेश कोतकर आला व त्याने विझवण्याचा प्रयत्न केला. तेथे आजूबाजूचे लोक जमा झाले व तीला विझवले. तिला उपचारासाठी नगरचे सिव्हिल हॉस्पिटल येथे दाखल केले. या घटनेबाबत मयत रंजना हीने सासरा कचरू, दीर रामदास, जाऊ अलका या तिघांविरुद्ध मृत्युपूर्व जबाब दिला होता. सिविल हॉस्पिटल येथे तिच्यावर उपचार सुरू असताना २६ मार्च २०१७ रोजी विवाहिता रंजनाचा मृत्यू झाला होता. तिच्या मृत्यूपूर्व जबाबावरून कोतवाली पोलीस ठाण्यात तिघाविरुद्ध गुन्हा दाखल करण्यात आला. या गुन्ह्याचा तपास सहाय्यक पोलीस निरीक्षक एस. बी. पाटील यांनी करून दोषारोपपत्र न्यायालयात दाखल केले.
या खटल्याची सुनावणी जिल्हा व सत्र न्यायाधीश एस. आर. जगताप यांच्यासमोर झाली. या खटल्यात सरकार पक्षातर्फे एकूण १० साक्षीदार तपासण्यात आले. सहा. फौ. ए. वाय. राजे, तपासी अंमलदार संदीप भगवान पाटील, विशेष न्यायदंडाधिकारी जे. पी. जोशी आणि डॉ. सुप्रिया जगताप यांची साक्ष महत्त्वपूर्ण ठरली.
सरकार पक्षाचा पुरावा व युक्तिवादाच्या आधारे न्यायालयाने तिघा आरोपींना दोषी धरून भादवि कलम ३०२ नुसार जन्मठेप व प्रत्येकी ३ हजार रुपयेदंड अशी शिक्षा सुनावली. या खटल्यात सरकार पक्षातर्फे अतिरिक्त सरकारी अभियोक्ता मोहन पी कुलकर्णी यांनी काम पाहिले त्यांना पैरवी अधिकारी पोलीस हेडकॉन्स्टेबल बी. बी. बांदल यांनी सहकार्य केले.