गोवा राज्याचे आरोग्य मंत्री विश्वजित प्रतापसिंह राणे यांच्या संभाषणाची ध्वनी फित सादर करत याच ध्वनी फितीचा आधार घेत त्यांनी पर्रीकरांच्या बेडरूम मध्ये राफेल घोटाळ्याच्या फायली असल्याची माहिती या ध्वनी फितीतून राणे देत असल्याचा दावा सुरजेवाला यांनी केला आहे. त्याच प्रमाणे हि ध्वनी फित कधीची आहे या बद्दल सुरजेवाला यांनी कसलीही माहिती दिली नाही.
माझ्या घरी राफेल घोटाळ्या बाबत कागदपत्रे आहेत त्यात या घोटाळ्याची माहिती दडलेली आहे असे या ध्वनी फितीमध्ये पर्रीकर बोलत असल्याचा दावा सुरजेवाला यांनी केला आहे. तर पर्रीकरांच्या जवळ या घोटाळ्याची बरीच माहिती आहे त्यांनी ती जाहीर केलीच पाहिजे असे सुरजेवाला यांनी म्हणले आहे.
मोदी एकटेच फ्रान्स आणि पॅरिसला गेले होते. त्यांच्या सोबत त्यांच्या शिष्टमंडळात अनिल अंबानी होते. तर तेव्हाचे आपले संरक्षण मंत्री गोव्यात मासे खरेदी करत होते असा घणाघात सुरजेवाला यांनी केला असून त्याच बरोबर त्यांनी पर्रीकरांनी या बाबत माहिती दिली पाहिजे असे ते म्हणले आहेत. नरेंद्र मोदी संयुक्त संसदीय समिती पासून दूर पळत आहेत. त्यांनी समितीला राफेल करारा बाबत कोणतीच कागदपत्रे दाखवली नाहीत असे ही सुरजेवाला म्हणाले आहेत.