रणवीर सिंहने वाढदिवसानिमित्त फॅन्सला दिली खास भेट, कपिल देवच्या लूकमधील फोटो पाहून फॅन्स थक्क
पोलीसनामा ऑनलाइन – रणवीर सिंहनी आपल्या वाढदिवसानिमित्त चाहत्यांना एक अतिशय खास भेट दिली आहे. रणवीर लवकरच ‘८३’ या चित्रपटातून प्रेक्षकांच्या भेटीला येणार आहे. या चित्रपटातील रणवीरचा पहिला लूक त्यांनी चाहत्यांसाठी रिलीज केला आहे. या लूकमध्ये रणवीर सिंह हुबेहूब कपिल देव सारखे दिसत होते. हा चित्रपट १९८३ मध्ये झालेल्या वर्ल्डकपवर आधारित आहे. या चित्रपटात रणवीर कपिल देवची भूमिका साकारणार आहे.
या लूकमध्ये रणवीर पांढऱ्या जर्सीमध्ये हातात बॉल घेऊन उभे असताना दिसत आहे. या लूकला शेअर करत रणवीर ने लिहिले की, ‘माझ्या या खास दिवशी सादर करत आहे हरियाणाचा तुफान कपिल देव.’ चाहत्यांना रणवीरचा हा लूक खूपच आवडला आहे.
१९८३ मधील क्रिकेट वर्ल्डकपमध्ये भारताने वेस्ट इंडीज विरुद्ध ऐतिहासिक विजय मिळवले होते. चित्रपटासाठी रणवीर खुपच कष्ट करत आहे. कपिल देवने स्वतः रणवीरला क्रिकेटची ट्रेनिंग दिली आहे. रणवीर ने कपिल देव सारखे दिसण्यासाठी त्यांच्या सोबत वेळ घालवला आणि त्यांच्या लहान लहान गोष्टीही शिकण्याचा प्रयत्न केला.