‘ती’ बोट स्फोटाने उडविली, मात्र जेसीबी सोडला ?

अहमदनगर : पोलिसनामा ऑनलाईन – सांगवी दुमाला शिवारातील भीमा नदी पात्रात श्रीगोंदा पोलिसांनी विनापरवाना वाळूने भरलेल्या दोन ट्रक जप्त केली.  वाळूचा उपसा करणारी एक बोट जिलेटिनचा स्फोट घडवून उद्ध्वस्त करण्यात आली. मात्र, एका बड्या वाळूतस्कराचा बेकायदा वाळू उपसा करणारा जेसीबी कारवाई न करता सोडून देण्यात आल्याची चर्चा आहे.

श्रीगोंदा पोलीस ठाण्याचे पोलीस निरीक्षक दौलतराव जाधव यांच्या मार्गदर्शनाखाली पोलिसांनी ही कारवाई करून १४ लाख रूपये किंमतीची वाहने व वाळू जप्त केली. पोलीस काँस्टेबल अमोल अजबे यांनी याबाबत फिर्याद दिली. त्यावरून अप्पा राठोड (रा. सोनवडी, ता. दौंड), ज्ञानदेव मदने (रा. सांगवी, ता. श्रीगोंदा) यांच्या विरोधात गुन्हा नोंदविण्यात आली आहे. नागरिकांनी तक्रार केल्यानंतर पोलिसांनी कारवाई केली.