Sanjay Raut | कैदी नंबर 8959 ! आर्थर रोड कारागृहात संजय राऊत यांची नवी ओळख, जाणून घ्या कसे काढत आहेत दिवस

मुंबई : पोलीसनामा ऑनलाइन – Sanjay Raut | शिवसेना खासदार संजय राऊत (Shiv Sena MP Sanjay Raut) यांच्या रात्री आर्थर रोड तुरुंगात कुशी बदलण्यात जात आहेत. कारागृहात त्यांना दहा बाय दहाची स्वतंत्र बॅरेक मिळाली असून त्यात स्वतंत्र शौचालय आणि स्नानगृहही आहे. त्यांना एक बेड आणि पंखाही मिळाला आहे. सुरक्षेच्या कारणास्तव त्यांना वेगळ्या बराकीत ठेवण्यात आले आहे. एवढेच नाही तर त्यांच्या बॅरेकभोवतीही सुरक्षा व्यवस्था मजबूत असते. कारागृहातील शिवसेना खासदाराची ओळख कैदी क्रमांक 8959 अशी आहे. संजय राऊत दिवसा कारागृहात स्वतःला व्यस्त ठेवतात. राऊत तुरुंगात असूनही महाराष्ट्राच्या राजकारणाची सर्व माहिती वृत्तमाध्यमांद्वारे ठेवतात. (Sanjay Raut)

त्यांनी कारागृह प्रशासनाकडे वही आणि पेनची मागणी केली होती, ती मंजूर झाली आणि आता ते दिवसभरात सतत काहीतरी लिहित असतात. एवढेच नाही तर त्यांनी अनेक पुस्तकांची मागणी केली होती जी त्यांना उपलब्ध करून देण्यात आली आहेत. आता दिवसभर ते एकतर लिहित असतात किंवा पुस्तके वाचत असतात. संजय राऊत यांना कुटुंबियांशिवाय कोणालाही भेटण्याची परवानगी नाही. (Sanjay Raut)

तुरुंगाच्या नियमांनुसार केवळ कुटुंबातील सदस्यच त्यांना भेटू शकतात. नुकतेच काही खासदार आणि आमदार राऊत यांना भेटायला गेले होते, मात्र तुरुंग प्रशासनाने त्यांना भेटू दिले नाही. मात्र, न्यायालयाच्या आदेशानुसार त्यांना घरून अन्न व औषधे दिली जात आहेत.

सक्तवसुली संचालनालयाने (ईडी) शिवसेनेचे खासदार संजय राऊत यांना कथित मनी लाँड्रिंग प्रकरणात (Money Laundering Case) अटक केल्यानंतर आठ दिवसांनी सोमवारी विशेष पीएमएलए न्यायालयाने त्यांना 22 ऑगस्टपर्यंत 14 दिवसांची न्यायालयीन कोठडी सुनावली. पीएमएलए न्यायालयाचे विशेष न्यायाधीश एम.जी. देशपांडे यांनी राऊत यांना न्यायालयीन कोठडी देण्याचा निर्णय तेव्हा घेतला, जेव्हा ईडीने सांगितले की, त्यांना 1,034 कोटी रुपयांच्या घोटाळ्याच्या चौकशीसाठी अतिरिक्त कोठडीची आवश्यकता नाही.

ईडीने 1 ऑगस्टला केली होती अटक
ईडीने 31 जुलै रोजी संजय राऊत यांच्या भांडुप येथील निवासस्थानावर छापा टाकला होता,
त्यानंतर एजन्सीने त्यांना ताब्यात घेतले होते.
दुसर्‍याच दिवशी, गुरु आशिष कन्स्ट्रक्शनच्या गोरेगाव येथील पत्रा चाळीच्या पुनर्विकास प्रकल्पातील कथित
मनी लाँड्रिंग प्रकरणात 1 ऑगस्टच्या पहाटे खासदार राऊत यांना अटक करण्यात आली होती.

 Web Title :- Sanjay Raut | Prisoner number 8959! Sanjay Raut’s new identity in Arthur Road Jail, know how he spends his days

Join our WhatsApp Group, Telegram, facebook page and Twitter for every update

हे देखील वाचा

Karlyache Fayde | आजारांनी तुम्हाला त्रस्त केलेय का? सुरू करा कारल्याचे सेवन, मग पहा; होईल चमत्कार

Coconut Water | रात्री नारळपाणी प्यायल्याने होतील ‘हे’ 5 आणखी वेगळे फायदे, आजपासून सुरू करा सेवन

High Cholesterol | ‘हे’ ड्रिंक गरम करून पिण्याने कमी होईल कोलेस्ट्रॉल, शरीराला होतील 8 जबरदस्त फायदे