गुन्हे शाखेचे अप्पर आयुक्‍त प्रदीप देशपांडे, उपायुक्‍त पंकज डहाणे, सहाय्यक आयुक्‍त भानुप्रताप बर्गे यांच्या मार्गदर्शनाखाली वरिष्ठ पोलिस निरीक्षक संजय पाटील, सहाय्यक निरीक्षक चंद्रकांत जाधव, प्रमोद म्हेत्रे, नितीन तरटे, रमेश लोहकरे, राजेश उंबरे, नितीन लोंढे, नितीन तेलंगे, संदीप गायकवाड, सचिन शिंदे, महिला गितांजली जाधव, कविता नलावडे, ननिता येळे, सुप्रिया शेवाळे आणि रूपाली चांदगुडे यांच्या पथकाने शुक्रवारी ‘स्पा ग्लो’ या समाज सेंटरवर अचानकपणे छापा टाकला. त्यावेळी तेथे एक नेपाळ देशाची आणि 2 पुणे शहरातील सज्ञान मुली आढळुन आल्या. पोलिसांनी त्यांची सुटका करून ‘स्पा ग्लो’ या समाज सेंटरचा मालकाला अटक केली आहे.
चिंचवड पोलिस ठाण्याचे पोलिस निरीक्षक विठ्ठल कुबडे आणि गुन्हे शाखेच्या सामाजिक सुरक्षा विभागाने ही संयुक्‍तरित्या कारवाई केली आहे. कारवाईदरम्यान 2 मोबाईल, हिशोबाच्या डायर्‍या, रोख 5 हजार 500 रूपये आणि इतर मुद्देमाल पोलिसांनी जप्‍त केला आहे.