Budget 2021 : अर्थमंत्री निर्मला सीतारामन करू शकतात जुन्या आणि प्रदुषण पसरवणार्‍या वाहनांसाठी ‘वाहन धोरणा’ची घोषणा
nirmala-sitaramanनवी दिल्ली : वृत्तसंस्था – एक फेब्रुवारीला सादर होणार्‍या बजेटमध्ये वाहन धोरणाची घोषणा होऊ शकते. एका प्रमुख अधिकार्‍याने म्हटले की, बहुप्रतीक्षित वाहन परिमार्जन धोरण (vehicle scrappage policy) , ज्याचा उद्देश जुनी, प्रदुषण पसरवणारी वाहने टप्प्याटप्प्याने हटवून ऑटोमोबाइल मागणीला प्रोत्साहन देणे आहे, केंद्रीय बजेट 2021-22 मध्ये याचा समावेश असू शकतो. वाहन परिमार्जन धोरण मागील काही वर्षात विविध स्तरावर अडकले आहे. या धोरणामुळे ऑटोमोबाइल निर्मात्यांना फायदा होईल. अधिकार्‍याने नाव न छापण्याच्या अटीवर म्हटले की, अंतिम निर्णय पंतप्रधान कार्यालय आणि अर्थ मंत्रालयाद्वारे घेतला जाईल.
वाहन स्क्रॅप करणार्‍यांना प्रोत्साहन दिल्याने जास्त लोक अवलंबतील धोरण
प्रस्तावित धोरण, ग्राहकांसाठी एैच्छिक असेल, यावर चार वर्षापेक्षा जास्त काळापासून काम सुरू आहे. सरकार आणि मुळ उपकरण निर्मार्ते (ओईएम) यांच्यात वाहन स्क्रॅप करणार्‍या लोकांना देण्यात येणार्‍या प्रोत्साहनावर सहमती होण्यास वेळे लागत आहे, ज्यामुळे हे धोरण अडकून पडले आहे. एका दुसर्‍या अधिकार्‍याने म्हटले की, जे लोक आपल्या वाहनांना स्क्रॅप करतील त्यांना काही भरपाई, प्रोत्साहन द्यावे लागेल जेणेकरून ते पुढे येतील आणि जुने वाहन स्क्रॅप करून नवीन वाहन खरेदी करतील. अर्थमंत्री निर्मला सीतारामन यांनी ऑगस्ट 2019 मध्ये सरकारच्या या योजनेबाबत सांगितले होते.
ऑटोमोबाइलच्या विक्रीला प्रोत्साहन देईल धोरण
सरकारद्वारे ऑटोमोबाइलच्या विक्रीला प्रोत्साहन देण्याच्या धोरणाला एका प्रयोगासारखे पाहिले जात आहे. आर्थिक मंदीदरम्यान कमजोर झालेल्या ग्राहक मागणी सारख्या घटकांमुळे ऑटोमोबाइल सेक्टर वाईटप्रकारे प्रभावित झाले आहे. फेब्रुवारी 2020 मध्ये रस्ते परिवहन आणि राज्यमार्ग मंत्रालयाने अयोग्य आणि जुनी प्रदुषण पसरवणारी वाहने स्वेच्छेने आणि पर्यावरण अनुकूल टप्प्याटप्प्याने हटवण्यासाठी एक कॅबिनेट नोट तयार केली होती.