पुणे : पोलीसनामा ऑनलाईन
मोदक मोशन पिक्चर्स प्रस्तुत आणि दीपिका श्रीवास्तव निर्मित आणि लकी शेख दिग्दर्शित तमन्ना ही वेब सीरिज अलीकडे पुणे येथे चित्रीत करण्यात आली आहे असून ऑक्टोबर २०१८ च्या अखेरीस ती प्रदर्शित करण्यात येईल. तमन्ना या वेब सिरीजमध्ये एका जिद्दी मुलीबद्दल आणि तिच्या आयुष्याबद्दल ही सीरिज भाष्य करते. तमन्नाला तिची परिस्थिती तिच्या व्यवसायात सशक्त बनवू शकते ? तीची सकारात्मक वृत्ती आणि प्रचंड आत्मविश्वासामुळे तिला आयुष्याची उज्ज्वल बाजू पाहण्यासाठी अंधाऱ्या अवस्थेतून ती बाहेर येईल ? अशा अनेक प्रश्नांची उत्तरे आपणाला ही सीरिज पाहूनच मिळतील. समाजात यशाची उंची गाठणाऱ्या अनेक स्त्रियांसाठी ही सीरिज प्रेरणादायी ठरेल.
या सिरीजमध्ये अभिमन्यु काक आणि अनन्या डे हे मुख्य भूमिकेत आहेत. अभिमन्यूने रेडिओवर आरजे म्हणून काम केले आहे. तो वयाच्या १६ व्या वर्षी सर्वांत लहान आरजे झाला होता. अनन्या डे ही एक बंगाली अभिनेत्री आहे. क्रिएटिव्ह हेड अजित घोरपडे, मार्केटिंग आकर्षण कटीयार हे पाहत आहेत. देवांश हा दिल्लीचा एक प्रसिद्ध डीजे आहे आणि मुंबई संगीत महोत्सव २०१७ त्याने तो जिंकला आहे. मोदक मोशन यांच्यावतीने या सीरिज मधून देवांशला लॉन्च केले जात आहे.
[amazon_link asins=’B01N6OOW52,B01KSXQNLS’ template=’ProductCarousel’ store=’policenama-100′ marketplace=’IN’ link_id=’9f1470ab-a461-11e8-ae50-bdd92080014b’]
मोदक मोशन पिक्चर्स या सिरीजमधून मनोरंजन क्षेत्रात पदार्पण करत असून आगामी काळात मोदक मोशन कडून दर्जेदार कलाकृतींची निर्मिती केली जाणार आहे असे मोदक मोशन पिक्चर्सकडून आयोजित केलेल्या पत्रकार परिषदेत सांगण्यात आले आहे.