नवी दिल्ली : वृत्तसंस्था – टाटा ट्रस्ट आपल्या ‘अंतरण’ कार्यक्रमांतर्गत मोबाइल अ‍ॅप आणि वेबसाइट- Craft Xchange लाँच करणार आहे. या अ‍ॅप आणि वेबसाइटच्या माध्यमातून किरकोळ विक्रेते, डिझायनर आणि बुटीक मालक थेट देशभरातील कारागीरांकडून खरेदी करू शकतील. याबाबत माहिती देताना टाटा ट्रस्टच्या एका अधिकाऱ्याने सांगितले की, हे अ‍ॅप सुरू करण्यामागील हेतू कारागीर आणि खरेदीदार यांच्यात पारदर्शकता आणणे आणि त्यांच्यात सहजपणे एकमेकांशी संपर्क होणे हा आहे. पूर्वी दोन्ही बाजूंमध्ये चर्चा न होऊ शकणे किंवा संपर्क न साधता येणे हा सर्वात मोठा अडथळा होता. हे अ‍ॅप लाँच झाल्यानंतर ही समस्या दूर होईल.
या अ‍ॅपद्वारे, कारागीर त्यांचे डिझाइन शेअर करण्यात सक्षम होतील जेणेकरुन खरेदीदार ते पाहू शकतील. जर एखाद्या खरेदीदारास त्याच्या हिशोबानुसार डिझाइन बनवायचे असेल तर तो या अ‍ॅपद्वारे कुशल कारागीरांशी संपर्क साधू शकतो. त्यानंतर खरेदीदार या कारागीरांकडून त्यांची उत्पादने खरेदी करुन डिलीव्हरी मिळवू शकतात.
खरेदीदारांना उत्पादन स्टेजबद्दल संपूर्ण माहिती मिळेल
ऑर्डर मिळाल्यानंतर, कारागीर उत्पादन स्टेज सायकलबाबत माहिती अपडेट करण्यात सक्षम होतील. यामुळे खरेदीदारास हे कळेल की त्यांच्याद्वारे तयार केलेले उत्पादन कोणत्या स्टेजमध्ये आहे आणि त्यांना केव्हापर्यंत डिलिव्हरी मिळू शकेल. या अ‍ॅपमध्ये अशी सुविधा देखील आहे की एक इन्व्हॉईस तयार करुन कारागीर त्यांचे उत्पादन थेट पाठवू शकतील. टाटा ट्रस्टची ट्रान्सफर टीम या अ‍ॅपद्वारे दोन्ही पक्षांमध्ये मध्यस्थ म्हणून काम करेल.
अँड्रॉइड आणि iOS प्लॅटफॉर्मवर सुरू होईल अ‍ॅप
टाटा ट्रस्टने सांगितले की, अ‍ॅप सध्या बीटा फेजमध्ये आहे आणि 30 कारागीर पायलट प्रोजेक्ट म्हणून काम करत आहेत. हे 30 कारागीर अंतरण च्या 6 क्लस्टर्समधील आहेत. आतापर्यंत त्यांनी नल्ली सिल्क, तनेरिया, रिलायन्स स्वदेशी, रेमंड इत्यादींबरोबर काम केले आहे. हे अ‍ॅप आता अँड्रॉइड आणि आयओएस प्लॅटफॉर्मवर लाँच केले जाईल.
या व्यतिरिक्त, टाटा ट्रस्ट त्यांच्या अंतरण कार्यक्रमांतर्गत या कारागीरांना प्रशिक्षण आणि कार्यक्षम बनविण्यावर देखील काम करीत आहे. या उपक्रमांतर्गत या कारागीरांना उद्योजक होण्यासाठी पूर्ण सहकार्य केले जात आहे. अंतरण कार्यक्रमाच्या माध्यमातून टाटा ट्रस्ट ओडिशा, आसाम, आंध्र प्रदेश आणि नागालँडच्या क्लस्टरमध्ये काम करत आहे, जेणेकरून येथील प्रादेशिक हस्तकलांना वाव मिळेल.