मुख्यमंत्री रमण सिंह आज राजनांदगावमधून आपला उमेदवारी अर्ज भरणार आहेत. तेथून ते 2008 पासून निवडणूक लढवत आहेत. काँग्रेसकडून यावेळी त्यांच्या विरोधात माजी पंतप्रधान अटल बिहारी वाजपेयी यांची पुतणी करुणा शुक्ला यांना उमेदवारी देऊन काँग्रेसने हे कडवे आव्हान उभे केले आहे. शुक्ला देखील आज आपला उमेदवारी अर्ज दाखल करणार आहेत.
करुणा शुक्ला १४ व्या लोकसभा निवडणुकीत जांजगीरमधून निवडून आल्या होत्या. अटल बिहारी वाजपेयी पंतप्रधान पदावरून दूर झाल्यानंतर भाजपकडून शुक्ला यांना वारंवार डावलले गेल्याने त्यांनी काँग्रेसमध्ये प्रवेश केला होता. रमण सिंह सरकारच्या विरोधात त्यांनी जोरदार आवाज उठवल्याने त्यांना काँग्रेसने रमण सिहांच्याच विरोधात उमेदवारी दिली आहे. यामुळे या लढतीकडे सर्वांचेच लक्ष लागून आहे.
जाहिरात