Vasant More On Pune Porsche Car Accident | अपघातातील दोन्ही मृतांच्या निकटच्या नातेवाईकांना प्रत्येकी 5 कोटी देण्याची वसंत मोरे यांची मागणी
पुणे : पोलीसनामा ऑनलाईन – Vasant More On Pune Porsche Car Accident | पुणे कल्याणीनगर येथील अपघातामुळे दोन निष्पाप तरुणांचा जीव गेला. पोलिसांच्या कारवाईला घेऊन अनेक प्रश्न उपस्थित होऊ लागले. त्यानंतर राजकारण चांगलेच तापले. सत्ताधारी आणि विरोधक यांच्यात आता आरोप-प्रत्यारोप सुरू आहेत. (Kalyani Nagar Accident)
न्यायालयाने अपघातातील अल्पवयीन मुलाला काही अटींच्या आधारे जामीन दिला होता. मात्र विविध स्तरातून रोष व्यक्त झाल्यानंतर पोलिसांनी कलमात वाढ करून संबंधित मुलाला पुन्हा कोर्टासमोर सादर केले असता कोर्टाने त्याला १४ दिवस बालसुधारगृहात ठेवण्याचे आदेश दिले.
दिवसेंदिवस या प्रकरणात नवनवे खुलासेही येताना दिसत आहेत. वाहन चालक याला अगरवाल कुटुंबीयांनी डांबून
ठेवल्याची माहितीही पोलीस आयुक्तांनी दिली. या प्रकरणावर संतप्त होत वंचित बहुजन आघाडीचे (Vanchit Bahujan Aghadi) वसंत मोरे यांनी मृत्यू झालेल्या कुटुंबियांना प्रत्येकी ५ कोटी रुपये देण्याची मागणी केली आहे. त्याबाबत जिल्हाधिकारी यांना त्याबाबत निवेदन दिले असल्याचे त्यांनी सांगितले.(Vasant More On Pune Porsche Car Accident)
अपघात करणारा मुलगा अल्पवयीन आहे, म्हणून त्याला वाहतूक नियमन करणे, निबंध लिहिणे अशी शिक्षा दिली जाते,
मग कायद्यात मृतांच्या नातेवाईकांना नुकसानभरपाई देण्याचीही तरतुद आहे, त्याचा वापर करावा.
जी काही कायदेशीर पुर्तता असेल तरी जिल्हाधिकाऱ्यांनी पूर्ण करावी व संबधितांना त्वरीत धनादेश द्यावेत अशी
मागणी जिल्हाधिकाऱ्यांकडे केली असल्याचे मोरे म्हणाले. या प्रकरणात आरोप- प्रत्यारोप किंवा टीका न करता थेट
मृतांच्या नातेवाईकांना नुकसान भरपाई देण्याची मागणी मोरे यांनी केली आहे.
Join our WhatsApp Group, Telegram, facebook page and Twitter for every update
हे देखील वाचा