या कार्यक्रमात छगन भुजबळ यांच्या हस्ते सोनगीर येथे माळी समाज मंगल कार्यालयाचं उदघाटन करण्यात आले. यानंतर क्रांतिसूर्य महात्मा ज्योतिबा फुले आणि सावित्रीबाई फुले यांच्या पुतळ्याचे भुजबळ यांच्या हस्ते अनावरण करण्यात आले. यावेळी छगन भुजबळ म्हणाले, भाजप सरकारने शेतकऱ्यांची, सर्वसामान्यांची फसवणूक केली आहे. काँग्रेसच्या काळात मूठभर पैशात पिशवीभर सामान येत होते, आता पुन्हा हे सरकार सत्तेवर आल्यास पिशवीभर पैशात मूठभर सामान येईल. मोदींनी नोटबंदीच्यावेळी दिलेल्या आश्वासनांचं काय झालं. जीएसटी लागू झाल्यामुळे व्यापाऱ्यांना देखील त्याचा त्रास सहन करावा लागत आहे.
नोटबंदी केल्यास आतंकवाद थांबेल असे मोदींनी म्हटले होते. मात्र, त्याचे काय झाले? आज दिल्लीत राज्यघटना जाळली गेली मात्र एकावरही या सरकारने कारवाई केली नाही. गॅसचे भाव गगनाला भिडले आहेत, काँग्रेसच्या काळात मूठभर पैशात पिशवीभर सामान येत होत आता पुन्हा हे सरकार सत्तेवर आल्यास पिशवीभर पैशात मूठभर सामान येईल अशी टीका माजी उपमुख्यमंत्री छगन भुजबळ यांनी भाजप सरकारवर केली. तसेच यावेळी त्यांनी संभाजी भिडे यांच्यावरदेखील जोरदार टीका केली.
