पिंपरी : पोलीसनामा ऑनलाइन – उच्चभ्रू सोसायट्यांमध्ये घरफोडी करणा-या चोरट्याला अटक करुन सोन्याचे दागिने, सात मोबाईल फोन, तीन घड्याळे आणि एक मोटार सायकल असा एकूण 3 लाख 75 हजार रुपयांचा ऐवज जप्त केला आहे.
पंकज हरिप्रसाद बाजुळगे (21, रा. ज्ञानदीप कॉलनी, रहाटणी) असे अटक केलेल्याचे नाव आहे. पोलिसांनी दिलेल्या माहितीनुसार रहाटणी, काळेवाडी परिसरातील उच्चभ्रू सोसायटीमध्ये घरफोड्यांचे प्रकार मागील काही दिवसांपासून होत आहेत. या घरफोडी करणा-या चोराला पकडण्यासाठी गुन्हे शाखा युनिट चारचे पोलीस काम करत होते. चोरी करणारा आरोपी काळेवाडी मधील धनगरबाबा मंदिराजवळ थांबला असल्याची माहिती पोलिसांना मिळाली.
त्यानुसार पोलीस आयुक्त आर. के. पद्मनाभन, अपर पोलीस आयुक्त रामनाथ पोकळे, पोलीस उपायुक्त सुधीर हिरेमठ, सहाय्यक पोलीस आयुक्त श्रीधर जाधव यांच्या मार्गदर्शनाखाली गुन्हे शाखा युनिट चारचे वरिष्ठ पोलीस निरीक्षक मोहन शिंदे, पोलीस उपनिरीक्षक हर्षल कदम, पोलीस कर्मचारी नारायण जाधव, धर्मराज आवटे, संजय गवारे, लक्ष्मण आढारी, वासुदेव मुंढे, संतोष असवले, सुरेश जायभाय, सुनील गुट्टे, गोविंद चव्हाण, तुषार काळे, धनाजी शिंदे, अजिनाथ ओंबासे यांच्या पथकाने धनगरबाबा मंदिर परिसरात सापळा रचून पंकज याला ताब्यात घेतले. त्याच्याकडे कसून चौकशी केली असता त्याने काळेवाडी आणि रहाटणी भागातील सनशाईन व्हिला रो हाऊस सोसायटी, फाईव्ह गार्डन रो हाऊस सोसायटी व रॉयल पार्क सोसायटी या सोसायट्यांमध्ये चोरी केल्याचे त्याने सांगितले.
त्याला अटक करून त्याच्याकडून पोलिसांनी 73 ग्रॅम वजनाचे सोन्याचे दागिने, सात मोबाईल फोन, तीन नामांकित कंपन्यांची महागडी घड्याळे व एक दुचाकी असा एकूण 3 लाख 75 हजार 300 रुपयांचा ऐवज जप्त केला. या कारवाईमुळे वाकड पोलीस ठाण्यातील वाहन चोरीचा एक, घरफोडीचे तीन आणि विश्रामबाग पोलीस ठाण्यातील घरफोडीचा एक असे एकूण पाच गुन्हे उघडकीस आले आहेत.
- घशाचे इन्फेक्शन एका झटक्यात दूर करतील ‘हे’ उपाय, अवश्य करून पहा
- थंड वातावरणात रोगांचा सामना करण्यासाठी ‘हे’ ५ आयुर्वेदिक उपाय आवश्य करा
- गोड खायला खुप आवडते का ? ‘या’ ५ गोष्टींकडे चुकूनही करु नका दुर्लक्ष
- दुपारी झोपता का ? होऊ शकतात ‘हे’ ४ दुष्परिणाम, वेळीच ही सवय सोडून द्या
- फक्त लिंबू पाण्याने मिळत नाही पुर्ण फायदे, ‘हा’ पदार्थ फक्त चिमूटभर टाका
- ‘ब्रेस्ट इंप्लांट’ सर्जरीबद्दल या गोष्टी तुम्हाला माहित आहेत का ?
- लिव्हरच्या प्रत्येक समस्येपासून सुटका देईल ‘हा’ घरगुती उपाय
- औषधी गुणांनी भरपूर आहे ‘लेमन ग्रास टी’, रोगांचा धोका होतो दूर
- प्रिमॅच्युअर बेबीला होऊ शकतात ‘या’ समस्या, वेळीच काळजी घेणे गरजेचे
- तिळाच्या तेलात आहे जादू, चमकदार होईल चेहरा, जरूर करा ‘हा’ उपाय