Adjustment Disorder | नवीन वातावरणात येत असेल तणाव तर ‘हा’ असू शकतो ‘अ‍ॅडजेस्टमेंट डिसऑर्डर’चा संकेत, जाणून घ्या काय आहे
नवी दिल्ली : अ‍ॅडजस्टमेंट डिसऑर्डरला (Adjustment Disorder) सिच्युएशनल डिप्रेशन देखील म्हणतात. कारण अशा तणावामागे एखादा बदल असतो. जीवनातील बदलांमुळे काही लोक तणावाला बळी पडतात (Adjustment Disorder). हा ताण वाढला की तो मानसिक आजाराचे रूप घेतो. यास अ‍ॅडजेस्टमेंट डिसऑर्डर म्हणतात. या आजारामागे अनेक कारणे असू शकतात. एखाद्या प्रिय व्यक्तीचा मृत्यू, एखाद्या व्यक्तीपासून दूर जाणे, शिक्षण किंवा नोकरीसाठी घरापासून दूर जाणे, नवीन नोकरीला जाणे, नवीन शाळा किंवा महाविद्यालयात जाणे इत्यादी (What is Adjustment Disorder).
अ‍ॅडजस्टमेंट डिसऑर्डरची लक्षणे – Symptoms of Adjustment Disorder
- जे लोक या आजाराला बळी पडतात त्यांना सतत तणाव जाणवतो.
- अशा लोकांना काम करण्यात रस वाटत नाही.
- अशा लोकांची नवीन ठिकाणी चिडचिड होते.
- हा डिसऑर्डर झाल्यावर निद्रानाशाची लक्षणे दिसतात.
- समाज आणि मित्रांपासून दूर गेलेली व्यक्ती या डिसऑर्डरला बळी पडू शकते.
- सतत रडणे किंवा तणाव जाणवणे हे या मानसिक समस्येचे लक्षण आहे.
- या डिसऑर्डरमुळे थकवा, उदासीनता, भय, अंगदुखी यांसारखी लक्षणे दिसतात.
अ‍ॅडजेस्टमेंट डिसऑर्डरचा उपचार – Adjustment Disorder Treatment
एखाद्या व्यक्तीवर अनेक प्रकारच्या थेरपीने उपचार केले जाऊ शकतात. जसे- टॉक थेरपी आणि कॉग्नेटिव्ह बिव्हेरियल थेरपी. थेरपीमध्ये, तज्ञ व्यक्ती काही प्रश्न विचारतात आणि योग्य आणि अयोग्य यातील फरक समजावून सांगतात. या उपचारपद्धतीने व्यक्तीचा ताण कमी होतो.
अ‍ॅडजेस्टमेंट डिसऑर्डर टाळण्यासाठी काय करावे? – Adjustment Disorder Prevention Tips
- या डिसऑर्डरमध्ये निरोगी जीवनशैलीवर भर दिला जातो. वेळेवर झोपा, वेळेवर खा आणि व्यायामाचा दिनचर्येत समावेश करा.
- तणाव किंवा डिप्रेशनची लक्षणे जाणवल्यास सायकॉलॉजिस्टशी संपर्क साधा किंवा मित्रांची आणि कुटुंबियांची मदत घ्या.
- आहारात बदल करणे किंवा योगाचा दिनक्रमात समावेश केल्यानेही फरक पडतो.
- आयुष्यात एखाद्या बदलातून जात असाल तर स्वतःला थोडा वेळ द्या. हळूहळू बरे वाटेल.
- हा डिसऑर्डर टाळायचा असेल तर आजूबाजूच्या लोकांशी बोलत राहा. अशा प्रकारे लवकर जुळवून घ्याल.
Join our WhatsApp Group, Telegram, facebook page and Twitter for every update
हे देखील वाचा