या प्रकरणातील तक्रारदार आणि संशयित आरोपी एकाच कुटुंबातील आहेत. यामध्ये दोन्ही कुटुंबात भांडण झाले. एक पाहुणा डीजेचे काम करतो. गोळी झाडल्याप्रकरणी आशू आणि अमित यांना अटक केल्याचे पोलीस उपायुक्त देवेंद्र आर्य यांनी सांगितले. त्यांचा भाऊ संजयचा शोध घेतला जात आहे. जखमींमध्ये २५ वर्षीय शेंकी आणि १६ वर्षीय तुषारचा समावेश आहे.
शेंकीचे वडील राजेंद्र यांनी सांगितले की,आमचे काका नरेश यांच्या घरात कार्यक्रम होता. तुषार हा त्यांचा भाऊ बिजेद्र यांचा मुलगा आहे. शेंकी आणि तुषार रात्री कार्यक्रमात सहभागी झाले. गाणे लावण्यावरुन डीजेबरोबर त्यांचा वाद झाला. हे प्रकरण नंतर वाढले. डीजे वाजवणाऱ्याने आपल्या मालकाला बोलावले. त्यानंतर मालकाने आपल्या दोन भावांना बोलावले. प्रकरण इतके टोकाला गेले की, डीजे मालकाने तीन राऊंड गोळ्या झाडल्या. यातील दोन गोळ्या शेंकी आणि तुषारला लागल्या. दोघांच्या पोटात गोळी लागली. तिसरी गोळी भिंतीला लागली.
जखमी अवस्थेत या दोघांना सेक्टर १८ द्वारका येथील एका खासगी रुग्णालयात दाखल करण्यात आले. तुषारची एक किडनी काढण्यात आली असून शेंकी सोमवारी सकाळी १० वाजता शुद्धीवर आला. त्याच्या पोटातून अद्याप गोळी काढण्यात आलेली नाही. याप्रकरणी पोलिसांनी कारवाई करत दोन आरोपींना ताब्यात घेतले आहे.