Aadhaar Card : आधार कार्ड ‘असली’ की ‘नकली’, सोप्या पद्धतीनं ‘या’ पध्दतीनं तपासा, जाणून घ्या

नवी दिल्ली, वृत्तसंस्था : शासकीय योजनांचा फायदा घेण्यात आणि भारतीय नागरिकांच्या आवश्यक कागदपत्रांमध्ये समावेश असणार्‍या आधार कार्डसंदर्भात आपल्यासाठी एक कामाची बातमी आहे. बँकिंगपासून सर्व महत्वाच्या कामांसाठी तुम्हाला आधार कार्ड आवश्यक असते. अशा परिस्थितीत आपल्याकडे असलेले आधार कार्ड बनावट असल्याचे आपल्याला समजले तर अडचणी वाढतात. जर तुमचे आधार कार्ड हरवले तर तुम्हाला अडचणींचा सामना करावा लागतो, दरम्यान आपण लवकरात लवकर नवीन आधार काढण्यासाठी अनधिकृत ऑपरेटरकडे जातो.

बाजारात असे बरेच ऑपरेटर आहेत जे खाजगी आवारात बसून अनधिकृत मार्गाने लोकांना बनावट कार्ड काढून देतात. ते कोणत्याही व्यक्तीचा आधार संगणकामध्ये संपादित करतात आणि त्यावरील फोटो देखील बदलतात आणि संबंधित व्यक्तीला आधार कार्ड दिले जाते. म्हणजेच हे ऑपरेटर काही पैशांसाठी कोणालाही बनावट आधार कार्ड देतात. त्यामुळे आपला आधार कार्ड नंबर बनावट आहे की नाही हे जाणून घेणे आपल्यासाठी महत्वाचे आहे. दरम्यान आपण घरात बसून योग्य मार्गाने आपला असली-नकली आधार नंबर ओळखू शकता.

सर्व प्रथम म्हणजे आधारशी संबंधित ऑनलाइन माहितीसाठी मोबाइल नंबर नोंदणीकृत असणे फार महत्वाचे आहे. आपण आपला ईमेल पत्ता आणि मोबाइल नंबर सत्यापित करू शकता जो नोंदणीच्या वेळी किंवा नवीन आधार तपशिलाच्या अद्यतनावेळी घोषित केला गेला असेल. आधार ऑनलाइन सेवांचा लाभ मिळविण्यासाठी रजिस्टर मोबाईल नंबर असणे आवश्यक आहे.

घरी बसून तपासा असली आणि नकली आधार कार्डची ओळख

– सर्वप्रथम आपण आधारची अधिकृत वेबसाइट https://resident.uidai.gov.in/aadhaarverification ला भेट दिली पाहिजे.
– यानंतर आपल्यासमोर एक आधार व्हेरिफिकेशन पेज उघडेल आणि आपल्याला एक मजकूर बॉक्स दिसेल जिथे आपल्याला आपला आधार क्रमांक प्रविष्ट करावा लागेल.
– येथे आपण आपला 12 अंकी आधार क्रमांक प्रविष्ट करा. त्यानंतर डिस्प्लेमध्ये दिसणारा कॅप्चा (सुरक्षा कोड) प्रविष्ट करा.
– यानंतर व्हेरिफाय बटणावर क्लिक करा. जर आपला आधार क्रमांक बरोबर असेल तर नवीन पृष्ठ उघडेल, ज्यामध्ये आपल्याला एक संदेश मिळेल, ज्यामध्ये आपला आधार क्रमांक (उदा. 3203XXXXXXXX) दिला जाईल. यासह खाली आपले वय, लिंग आणि राज्याचे नाव देखील दर्शविले जाईल. अशा पद्धतीने आपण शोधू शकता की आपले आधार कार्ड असली आहे की नकली.

आधार कार्ड कधी आणि कोठे वापरले गेले आहे ते असे जाणून घ्या

आधार प्रमाणीकरण हिस्ट्री पृष्ठावर जा: https://resident.uidai.gov.in/notification-aadhaar आपला आधार नंबर प्रविष्ट करा आणि त्याखालील बॉक्समध्ये दिलेला सुरक्षा कोड टाकून स्वत:ला प्रमाणीकृत करा. जनरेट ओटीपी वर क्लिक करा. यानंतर तुमच्या मोबाईलवर ओटीपी येईल. तथापि, यासाठी आवश्यक आहे की आपण वापरत असलेला समान नंबर अंधाराशी नोंदणीकृत असावा. यानंतर आपला ओटीपी टाका आणि ‘सबमिट’ वर क्लिक करा. यासह, आपल्याला माहिती कालावधी आणि ट्रान्झेक्शनची संख्या देखील भरावी लागेल. यानंतर निवडलेली तारीख, वेळ आणि आधारच्या सर्व प्रमाणीकरणाची आपल्याला संपूर्ण माहिती मिळू शकेल. तथापि, आपल्याला हे नाही समजू शकत की कोणी आपल्या माहितीची मागणी केली आहे.

येथे कॉल करून आधारशी संबंधित तक्रार करा

जर तुम्हाला आधारशी संबंधित तक्रार नोंदवायची असेल तर त्यासाठी तुम्हाला टोल फ्री नंबर 1947 वर कॉल करावा लागेल. आधारची ही सेवा ग्राहक सेवा, फोन नंबर आणि मेल आयडीपेक्षा वेगळी आहे. याशिवाय [email protected] वर ईमेल पाठवूनही माहिती मिळू शकते. युनिक आयडेंटिफिकेशन अ‍ॅथॉरिटी ऑफ इंडियाने लोकांची सोय लक्षात घेऊन आपल्या सर्व सेवा ऑनलाईन सुरू केल्या आहेत. आधार कार्डमध्ये नावापासून ते फोन नंबर बदलण्यापर्यंत आणि पत्त्यासह अन्य माहिती ऑनलाइन बदलता येऊ शकते.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like