मुलाच्या शाळेची फीस भरण्यासाठी ‘हतबल’ झालेल्या वडिलांनी मागितली ‘किडनी’ विकण्याची परवानगी, पंतप्रधानांना लिहीलं पत्र

नवी दिल्ली, वृत्तसंस्था : देशभरातील खासगी शाळांकडून फी वाढविल्याबद्दल पालकांमध्ये असंतोष वाढला आहे. याच अनुषंगाने चंदीगड सेक्टर -52 मधील रहिवासी अतुल वोहरा यांनी पीएम ला पत्र लिहून किडनी विकण्याची परवानगी मागितली आहे जेणेकरुन ते आपल्या मुलांची फी भरतील. चंदीगड प्रशासन व शिक्षण विभागाच्या वतीने पालकांना न्याय मिळवून देण्यासाठी काहीही केले जात नाही.

सेक्टर -52 मधील रहिवासी अतुल वोहरा यांनी पत्रात लिहिले आहे की त्यांचा मुलगा सेक्टर -44 मधील एका खासगी शाळेत शिक्षण घेत आहे. लॉकडाऊनमुळे त्यांची नोकरी गेली आहे. यामुळे त्यांचा पगारही थांबला आहे, ज्यामुळे घर चालविणे कठीण झाले आहे. तसेच शाळेकडून संपूर्ण शुल्क भरण्यासाठी दबाव आणला जात आहे, ते शुल्क 32000 रुपये इतके आहे. तसेच त्यांनी लिहिले आहे की घरभाडे व हप्ते भरणे अवघड झाले आहे.

अतुल यांच्या पत्रानुसार, ‘माझ्या कुटुंबात पाच सदस्य आहेत. मी माझ्या आईच्या निवृत्तीवेतनावर जगत आहे. त्याच वेळी, कुटुंबाचा न्यायालयात एक खटला चालू आहे आणि त्या प्रकरणात वकीलाची फी भरण्यासाठी पैसे नाहीत.’ वोहरा यांनी लिहिले की कायदा बदलला पाहिजे आणि कायदेशीररित्या किडनी विकण्याची परवानगी देण्यात यावी जेणेकरुन ते पैसे गोळा करू शकतील आणि फी जमा करतील. तसेच वोहरा यांनी पत्रात लिहिले की, खासगी शाळा शुल्काबाबत मनमानी करत आहे. दरम्यान विभागाकडून शाळांवर कोणतीही कारवाई केली जात नाही. गृहमंत्रालयाच्या आदेशानंतर शुल्क नियामक प्राधिकरण स्थापन करण्यात आले, त्यांनीही कोणतेही काम केले नाही.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like