राहुरी : पोलीसनामा ऑनलाईन – महात्मा फुले कृषी विद्यापीठ येथे कृषी विभाग व विद्यापीठाच्या संयुक्त विद्यमाने राहुरी येथे किसान आधार संम्मेलन भरवण्यात आले आहे. या संम्मेलनाचे उद्घाटन महसूल मंत्री चंद्रकांत पाटील यांच्या हस्ते पार पडले. या कार्यक्रमादरम्यान पाटील यांच्या भाषणात अडथळा निर्माण करत स्वाभिमानी शेतकरी संघटनेच्या कार्यकर्त्यांनी त्यांना काळे झेंडे दाखवले. यावेळी स्वाभिमानी संघटनेचे जिल्हाध्यक्ष रवी मोरे यांच्या नेतृत्वाखाली जोरदार घोषणाबाजी केली.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’6b060778-d131-11e8-9f4f-69ec52a898c6′]
चंद्रकांत पाटील यांचे मुख्य भाषण सुरू असताना स्वाभिमानी शेतकरी संघटनेचे जिल्हाध्यक्ष रवी मोरे, प्रकाश देठे, सतीश पवार आदी शेतकरी संघटनेच्या कार्यकत्र्यांनी पुढे जाऊन नामदार पाटील यांना काळे झेंडे दाखवले. त्याचबरोबर दुधाला भाव द्या, कबूल केलेले अनुदान ताबडतोब द्या, शेतमाल खरेदी केंद्र सुरू करा, बोंड आळी अनुदान त्वरित मिळावे, राज्यात सर्वत्र दुष्काळ जाहीर करा, अशी जोरदार घोषणाबाजी केली. त्यानंतर पोलीस निरीक्षक अविनाश शिळीमकर यांच्यासह पोलीस खात्यातील अधिकारी व कर्मचाऱ्यांनी संबंधित कार्यकत्र्यांना बाहेर नेले. या दरम्यान ना.पाटील यांनी आंदोलनकर्त्यांना भाषणातून कोणतेही उत्तर दिले नाही, अथवा भाषणदेखील बंद केले नाही. आंदोलनकर्त्यांवर राहुरी पोलीस ठाण्यात गुन्हा दाखल करण्याचे काम सुरू होते.
[amazon_link asins=’B0745BNFYV,B0784BZ5VY,B07DJHV6S7,B01FM7GGFI’ template=’ProductCarousel’ store=’policenama-100′ marketplace=’IN’ link_id=’759f3242-d131-11e8-8c46-59128a3ccc12′]
जाहिरात
