Cheating Fraud Case Pune | पुणे : डेटिंग साइटवर भेटलेल्या नेहाने ज्येष्ठ नागरिकाला 20 लाखांना गंडवले
पुणे : पोलीसनामा ऑनलाइन – Cheating Fraud Case Pune | डेटिंग साइटवर (Dating Sites) ओळख झालेल्या महिलेने एका ज्येष्ठ नागरिकाची तब्बल 20 लाख 53 हजार रुपयांची फसवणूक केल्याचा प्रकार समोर आला आहे. हा प्रकार 9 जानेवारी 2024 ते 22 मार्च 2024 या कालावधीत त्रिमुर्ती कोर्ट (Trimurti Court) कोरेगाव पार्क येथे घडला आहे. याबाबत राहुल रोसा (वय-55 रा. त्रिमूर्ती कोर्ट, लेन नं. 5, कोरेगाव पार्क, पुणे) यांनी कोरेगाव पार्क पोलीस ठाण्यात (Koregaon Park Police Station) फिर्याद दिली आहे.
पोलिसांनी दिलेल्या माहितीनुसार, फिर्यादी यांची नेहा शर्मा हिच्यासोबत एका डेटिंग साइटवर ओळख झाली होती. त्यानंतर त्यांच्यामध्ये रोज संवाद सुरु झाला. एकदा नेहा हिने फिर्यादींना गुंतवणुकीबद्दल माहिती देऊन कॅपिटल गोल्डमध्ये गुंतवणूक करण्यास सांगितले. फिर्यादी यांनी सुरुवातीला 50 हजार गुंतवले. त्याचा नफा दिसून येत होता म्हणून नेहाने वेळोवेळी पैसे गुंतवण्यास भाग पाडून फिर्यादी कडून एकूण 20 लाख 53 हजार रुपये उकळले. (Cheating Fraud Case Pune)
त्यानंतर फिर्यादी यांनी पैसे काढण्याचा प्रयत्न केला. मात्र, पैसे काढता येत नव्हते म्हणून नेहा हिला विचारणा केली.
त्यावेळी तिने आणखी पैसे भरण्यास सांगितले. आपली फसवणूक होत असल्याचे लक्षात आल्यानंतर फिर्यादी यांनी पोलीस ठाण्यात तक्रार दाखल केली.
याप्रकरणी आयटी अॅक्ट सह (IT Act) फसवणुकीचा गुन्हा दाखल करण्यात आला आहे.
पुढील तपास पोलीस निरीक्षक अश्विनी सातपुते (PI Ashwini Satpute) करीत आहेत.
Join our WhatsApp Group, Telegram, facebook page and Twitter for every update
हे देखील वाचा