Baramati Lok Sahba | सुप्रिया सुळे यांनी प्रचंड शक्तिप्रदर्शनासह आपला उमेदवारी अर्ज दाखल केला (Videos)
पुणे : Baramati Lok Sahba | राष्ट्रवादी काँग्रेस शरदचंद्र पवार (Sharad Pawar NCP) या पक्षाच्या वतीने निवडणूक लढवित असणाऱ्या महाविकास आघाडीच्या (Mahavikas Aghadi) अधिकृत उमेदवार सुप्रिया सुळे (Supriya Sule) यांनी आज प्रचंड शक्तिप्रदर्शनासह आपला उमेदवारी अर्ज दाखल केला.
याप्रसंगी सुप्रिया सुळे यांनी पुन्हा एकदा निवडून येण्याचा निर्धार व्यक्त केला. याप्रसंगी काँग्रेसचे जेष्ठ नेते बाळासाहेब थोरात (Balasaheb Thorat), शिवसेना उद्धव बाळासाहेब ठाकरे (Shivsena UBT) पक्षाचे पुणे जिल्हा संपर्क प्रमुख व आमदार सचिन अहिर (Sachin Ahir), सुषमा अंधारे (Sushma Andhare), माजी मंत्री व आमदार विश्वजित कदम (Vishwajeet Kadam), खासदार व शिरूर लोकसभा मतदारसंघाचे (Shirur Lok Sabha) महाविकास आघाडीचे उमेदवार डॉ अमोल कोल्हे (Amol Kolhe), आमदार संग्राम थोपटे (Sangram Thopte), आमदार संजय जगताप (MLA Sanjay Jagtap), आमदार अशोक पवार (MLA Ashok Pawar), माजी आमदार जयदेव गायकवाड (Jaydev Gaikwad), युगेंद्र पवार (Yugendra Pawar), राष्ट्रवादी काँग्रेस पार्टी शरदचंद्र पवार पक्षाचे इंदापूर तालुकाध्यक्ष तेजसिंह पाटील (Tej Singh Patil), दाैंड तालुकाध्यक्ष आप्पासाहेब पवार (Appasaheb Pawar), रामभाऊ टुले (Rambhu Tule) यांच्यासह महाविकास आघाडी व इंडिया आघाडीचे पदाधिकारी व कार्यकर्ते आदी उपस्थित होते.
सुप्रिया सुळे म्हणाल्या, “राष्ट्रवादी काँग्रेस पक्ष- शरदचंद्र पवार पक्षाच्या वतीने महाविकास आघाडीची अधिकृत उमेदवार म्हणून मी बारामती लोकसभा मतदारसंघातून निवडणूक लढवित आहे. या निवडणूकीचा उमेदवारी अर्ज आज विधान भवन येथे आदरणीय पवार साहेब व त्यांच्यावर नितांत प्रेम करणारी जनता, महाविकास आघाडीचे नेते, पदाधिकारी व कार्यकर्ते यांच्या साक्षीने दाखल केला.
आपल्या बारामती लोकसभा मतदारसंघातील जनतेचे आशीर्वाद, शुभेच्छा, अतूट विश्वास आणि भरघोस पाठबळ यांच्या जोरावर मला पुन्हा या मतदारसंघाचे लोकसभेत प्रतिनिधीत्व करण्याची संधी मिळेल हा विश्वास आहे. मायबाप जनतेची सेवा, महिला, शेतकरी, कष्टकरी, कामगार यांचा सन्मान आणि महाराष्ट्राचा स्वाभिमान कायम बुलंद राखण्यासाठी मी लढत आहे. या लढतीत मायबाप जनता माझ्या सोबत राहिल याची मला खात्री आहे.”
तत्पूर्वी त्यांनी भारतरत्न डॉ बाबासाहेब आंबेडकर यांच्या पुतळ्यास पुष्पहार अर्पण करून अभिवादन केले.
“संविधानाचे शिल्पकार डॉ बाबासाहेब आंबेडकर यांचे आशीर्वाद घेऊन
मी लोकशाहीच्या सर्वात मोठ्या उत्सवात सहभागी होत आहे” अशी प्रतिक्रिया त्यांनी यावेळी व्यक्त केली.
Join our WhatsApp Group, Telegram, facebook page and Twitter for every update
हे देखील वाचा
Sanjog Waghere On Shrirang Barne | संजोग वाघेरेंनी सोडले बारणेंवर टीकास्त्र, ”दहा वर्षात
एकही प्रकल्प नाही, कामगार, पर्यटन, नागरिकांच्या समस्यांकडे दुर्लक्ष केले…”
Murlidhar Mohol Meet Amit Raj Thackeray | पुण्यात मनसे नेते अमित ठाकरेंच्या भेटीनंतर
मुरलीधर मोहोळ म्हणाले – ‘आत्मविश्वास आणखी वाढला, विजय अधिक सोप्पा झाला’ (Videos)