Coronavirus : ‘कोरोना’वर उपचार करणार ‘नॅनोमटेरिअल’, शरीरात घुसून ‘व्हायरस’ला खाऊन टाकणार, चीननं केला दावा
नवी दिल्ली : वृत्तसंस्था – कोरोना विषाणू संसर्गावर जरी चीनने बर्याच प्रमाणात मात केली असेल तरीही त्याचे लस उत्पादन करणे संपूर्ण जगासाठी चिंताजनक आहे. चीनमध्ये या संसर्गाची 81000 हून अधिक प्रकरणे समोर आली आहेत. त्यातील 3300 लोकांचा मृत्यू झाला आहे. आता चिनी शास्त्रज्ञांनी असा दावा केला आहे की, त्यांनी शरीरातील विषाणू नष्ट करण्याचा एक नवीन मार्ग तयार केला आहे.
चीनी सरकारी माध्यम ग्लोबल टाईम्सने ट्वीटमध्ये माहिती दिली आहे की, कोरोना विषाणूविरूद्ध लढण्यासाठी चिनी वैज्ञानिकांनी नवीन शस्त्र बनवले आहे. चीनचा असा दावा आहे की, त्यांनी एक नॅनोमटेरियल तयार केला आहे जो शरीरात प्रवेश करतो आणि कोरोना विषाणू शोषून घेतो आणि त्यानंतर तो 96.5 ते 99.9% यशासोबत निष्क्रिय करण्यास सक्षम आहे. शास्त्रज्ञांच्या म्हणण्यानुसार, ती ना लस आहे किंवा त्याला औषध म्हणता येईस, हे बायोवेपनसारखे आहे जे कोरोना विषाणूविरूद्ध लढण्यासाठी विकसित केले गेले आहे.
Chinese scientists have developed a new weapon to combat the #coronavirus. They say they have found a nanomaterial that can absorb and deactivate the virus with 96.5-99.9% efficiency. pic.twitter.com/ESFUOoTuIX
— Global Times (@globaltimesnews) March 29, 2020
नॅनोमटेरियल म्हणजे काय ?
अनेक मॅन्युफॅक्चरिंग प्रक्रियेमध्ये नॅनोमटेरियलचा वापर केला जातो. हेल्थकेअर व्यतिरिक्त, ते पेंट्स, फिल्टर, इन्सुलेशन आणि लुब्रिकेंट तयार करण्यासाठी देखील वापरले गेले आहेत. हेल्थकेअरबद्दल बोलायचे म्हणले तर, त्यांना नॅनोझाइम देखील म्हणतात आणि ते शरीरात आढळणाऱ्या एन्झाईमसारखे कार्य करतात. अमेरिकन शास्त्रज्ञांच्या म्हणण्यानुसार, जगाला अद्याप नॅनोमटेरियलविषयी जास्त माहिती नाही, परंतु ते विशिष्ट प्रकारच्या कामासाठी तयार होऊ शकतात, ते शरीरात सहज प्रवेश करतात कारण ते खूपच लहान आहेत.
(NIH) एनआयएचच्या मते, नॅनो तंत्रज्ञान देखील औषधे तयार करण्यासाठी वापरली जाते. ते शरीरात रोग पसरविणार्या विशिष्ट पेशींना लक्ष्य करतात, उदाहरणार्थ कर्करोगाच्या पेशी घेऊ शकता. ते केवळ जलद उपचार करण्यास सक्षम नाहीत तर उर्वरित थेरपीपेक्षा अधिक सुरक्षित मानले जातात. तथापि, शास्त्रज्ञांमध्ये त्यांच्या वापरासंदर्भात मतभेद आहेत. असे मानले जाते की, उर्वरित थेरपीच्या तुलनेत त्यांच्यावर उपचार करणे बरेच कार्यक्षम आहे, परंतु सिल्व्हरसारखे असे बरेच घटक आहेत, जर त्यांना नॅनोमटेरियल्समध्ये रूपांतरित केले आणि शरीरात त्यांनी प्रवेश केला तर ते मोठे नुकसान होऊ शकते.