Cloudburst in Tamhini | ‘ताम्हिणी’त 24 तासात 486 मिमी पावसाची नोंद; पानशेत, टेमघर परिसरात मुसळधार
file photoपुणे : पोलीसनामा ऑनलाइन – Cloudburst in Tamhini | कोकणाबरोबरच घाटमाथ्यावर गेल्या २४ तासात अनेक ठिकाणी अतिवृष्टी (Heavy rain) झाली असून ताम्हिणी परिसरात (Cloudburst in Tamhini) गेल्या २४ तासात तब्बल ४८६ मिमी पाऊसाची नोंद येथे करण्यात आली आहे. यामुळे मुळशी धरणाच्या पाणलोट क्षेत्रात (Mulshi dam) गेल्या २४ तासात ऐतिहासिक अशा ७३ टीएमसी पाणीसाठा वाढला असून धरणाची जलाशय पातळी एका दिवसात ७ फुटाने वाढली आहे.
ताम्हिणी, टेमघर, वरसगाव, पानशेत परिसरात या हंगामात प्रथम इतकी जोरदार वृष्टी झाली आहे. ताम्हिणीबरोबरच मुळशी धरणावर २९४ मिमी पावसाची नोंद झाली आहे. धरणातील पाणीसाठा ३८ टक्क्यांहून अधिक झाला आहे. टेमघर धरण क्षेत्रात २५० मिमी पाऊस झाला असून धरणातील पाणीसाठा ३० टक्के झाला आहे.
वरसगाव धरणात (Varasgaon dam) १५३ मिमी पाऊस झाला असून धरणात ४५ टक्के पाणीसाठा झाला आहे. पानशेत परिसरात १५५ मिमी पावसाची नोंद झाली असून धरणातील पाणीसाठा ५४ टक्क्याहून अधिक झाला आहे. खडकवासला परिसरात ३८ मिमी पाऊस पडला असून धरणातील पाणीसाठा ७२ टक्क्यांवर गेला आहे.
पवना धरण (Pavana Dam) परिसरात २३२ मिमी, वडिवळे धरणावर १९८, चासकमान धरणावर
६८, आंद्रा ७९, डिंभे १२९, वडज ३३, भामा आसखेड ५३, कळमोडी ९४, गुंजवणी ११५, निरा
देवधर २४९, भाटघर ३२ मिमी पावसाची नोंद झाली आहे. खडकवासला धरण प्रकल्पातील चार
धरणातील पाणीसाठा १४.२४ टीएमसी इतका झाला असून तो ४८.८४ टक्के इतका आहे. एकाच दिवसात धरणांमधील पाणीसाठा २ टीएमसीने वाढला असून ६ टक्क्यांनी पाणीसाठ्यात वाढ झाली आहे.