PM नरेंद्र मोदी आणि HM अमित शहा हे स्वतः ‘घुसखोर’, काँग्रेसच्या ‘या’ बड्या नेत्याचं ‘वादग्रस्त’ विधान

Last updated Dec 1, 2019

File Photo

नवी दिल्ली : वृत्तसंस्था – लोकसभेतील काॅंग्रेस नेते अधीर रंजन चौधरी यांनी पंतप्रधान नरेंद्र मोदी आणि गृहमंत्री अमित शहा यांच्याबद्दल वादग्रस्त विधान केले आहे. देशभरात एनआरसीच्या अंमलबजावणीबाबत ते म्हणाले की, हा भारत देश कोणाचीही मालमत्ता नाही. अमित शाह, नरेंद्र मोदी स्वत: घुसखोर आहेत. काॅंग्रेस नेते म्हणाले की एनआरसीमुळे देशभरातील लोक घाबरले आहेत.

अधीर रंजन चौधरी म्हणाले, “एनआरसी-एनआरसी हे नाव घेत असे वातावरण तयार केले जात आहे की, सर्वसाधारण लोक आमचं काय होईल असा विचार करत आहेत.” प्रत्येकजण काही कागद घेऊन बसून राहात नाही. कारण हा आपला देश आहे, आम्ही मत देतो. जे गरीब आणि आदिवासी आहेत ते शिक्षित नाहीत. त्यांच्याकडे कागदपत्रे आहेत का ? सकाळी उठून रात्रीचे जेवण कसे मिळेल याचा विचार करणाऱ्यांना कागदपत्रांसाठी विचार करायला वेळ नाही. ते लोक घाबरले आहेत.”

ते पुढे म्हणाले, “ते मुस्लिमांना पळवून लावतील हे त्यांना दाखवायचे आहे.” त्यांना काढून टाकण्याचे धाडस त्यांच्यात नाही. जर मुस्लिम आपल्या देशाचे नागरिक असतील तर त्यांनी पळून का जावे? हिंदुस्थान सर्वांसाठी आहे. हिंदू-मुस्लिम सर्वांचा हिंदुस्थान आहे. सर्वांच्या सहकार्याने हिंदुस्थानची स्थापना झाली आहे. परंतु ते फक्त हिंदूंना या देशात स्थान आहे आणि मुस्लिमांना पळवून लावतील, हे त्यांना दाखवायचे आहे. हा भारत कोणाची संपत्ती आहे? या देशावर प्रत्येकाचा समान अधिकार आहे. मी तर उघडपणे म्हणू शकतो की अमित शाह जी, नरेंद्र मोदी जी तुम्ही स्वत: घुसखोर आहात. आपण गुजरातचे असून दिल्ली येथे आला आहात, तुम्ही स्वतः माइग्रेंट आहात.”

गेल्या काही दिवसांत गृहमंत्री अमित शाह यांनी राज्यसभेमध्ये एका प्रश्नाला उत्तर देताना म्हटले की, राष्ट्रीय नागरिकता रजिस्टर (एनआरसी) पासून भितीची आवश्यकता नाही आणि संपूर्ण देशात लागू केली जाणार आहे. ते म्हणाले, “सुप्रिम कोर्टाद्वारे एनआरसीच्या प्रक्रियेची निगरानी केली जाते. एनआरसीमध्ये असे प्रावधान नाही की, ज्यात जास्तीत जास्त धर्मातील लोकांना समाविष्ट केले जाऊ नये, सर्व धर्मातील लोक यात समाविष्ट होतात. हे संपूर्ण देशात लागू करण्यात येईल आणि यामुळे घाबरण्याची काही एक गरज नाही.”

Visit : Policenama.com