Coronavirus | कोरोना रॅपिड अँटिजेन टेस्टिंग किटच्या निर्यातीवर बंदी; तिसऱ्या लाटेच्या पार्श्वभूमीवर केंद्राचा महत्त्वपूर्ण निर्णय
file photoनवी दिल्ली : पोलीसनामा ऑनलाइन – Coronavirus | देशात मे महिन्यात दररोज ४ लाखांहून अधिक कोरोना रुग्णांची (Coronavirus) नोंद व्हायची. मात्र त्यानंतर कोरोनाची दुसरी लाट ओसरू लागली आहे. सध्या नव्या बाधितांची संख्या ५० हजारांच्या आत आहे. त्यातच तिसऱ्या लाटेचे संकेत मिळत आहे. त्यामुळे मोदी सरकारने (Modi Government) एक महत्त्वपूर्ण निर्णय घेतला असून त्याची अंलबजावणीही त्वरित करण्यात आली आहे. केंद्र सरकारकडून कोरोना रॅपिड अँटिजेन टेस्टिंग किटच्या निर्यातीवर बंदी घालण्याचा निर्णय घेण्यात आला असून परराष्ट्र व्यापार महासंचलनालयानं (डीजीएफटी) याबद्दलची अधिसूचनाही प्रसिद्ध केली आहे.
कोरोनाच्या तिसऱ्या लाटेच्या पार्श्वभूमीवर आरोग्य यंत्रणा अलर्ट झाली आहे. कोरोनाची तिसरी लाट आली तर मोठ्या संख्येने कोरोनाची चाचणी करावी लागेल. त्यामुळे चाचणीसाठी लागणारे किट देशातच उपलब्ध व्हावे या उद्देशाने रॅपिड अँटिजेन टेस्टिंग किटच्या निर्यातीवर बंदी घालण्यात आली आहे. केंद्रीय आरोग्य मंत्रालयानं दिलेल्या माहितीनुसार सोमवारी देशातील एकूण कोरोना रुग्णांची संख्या ३ कोटी २२ लाख २५ हजार ५१५ वर पोहोचली. आतापर्यंत ४ लाख ३१ हजार ६४२ जणांना कोरोनामुळे प्राण गमवावा लागला आहे. ३ कोटी १४ लाख ११ हजार ९२४ जणांनी कोरोनावर मात केली आहे. ३ लाख ८१ हजार ९४७ जणांवर सध्या उपचार सुरू आहेत.
Gold Price Today | सोन्याच्या दरात घसरण तर चांदीच्या दरात वाढ; जाणून घ्या आजचे दर