गावस्करने कॉमेंट्रीमधून अनुष्काला पुन्हा दिले उत्तर – ‘आपल्या कानांनी ऐका आणि डोळ्यांनी पहा, मग सांगा’

नवी दिल्ली : वृत्तसंस्था – भारतास क्रिकेटचे माजी कर्णधार सुनील गावस्कर यांनी पुन्हा एकदा अनुष्का शर्मावर कॉमेंट्री बॉक्समधून पलटवार केला आहे. त्यांनी म्हटले आहे की, स्वत: ऐकून आणि पाहून कुणी प्रतिक्रिया दिली पाहिजे. शुक्रवारी सायंकाळपासून या मुद्द्यावर गोंधळ सुरू आहे. अनुष्काने स्वत:वर झालेल्या टिप्पणीवर नाराजी व्यक्त करत गावस्कर यांना सुनावले होते. तिचे म्हणणे होते की, गावस्करने तिच्यावर आक्षेपार्ह टिप्पणी केली. तिने सोशल मीडियावर लिहिले होते की, मिस्टर गावस्कर, तुम्ही एक लेजेंड आहात, ज्यांचे नाव या खेळात जंटलमन म्हणून घेतले जाते. मला तुम्हाला इतकेच सांगायचे होते की, जेव्हा तुम्ही हे म्हटले तेव्हा मला कसे वाटले असेल.

गावस्करने पुन्हा दिले उत्तर
अनुष्काची प्रतिक्रिया आल्यानंतर गावस्कर लागोपाठ स्पष्टीकरण देत आहेत. त्यांचे म्हणणे आहे की, त्यांचे म्हणणे योग्यपद्धतीने समजून घेतले गेले नाही. गावस्कर यांनी शुक्रवारी रात्री पुन्हा एकदा या मुद्द्यावर कॉमेंट्रीदरम्यान आपले म्हणणे मांडले. त्यांनी म्हटले, विराटने केवळ अनुष्काची बॉलिंग खेळली होती. बस माझे हेच शब्द होते. ज्यांना आक्षेप असेल त्यांनी पुन्हा लक्ष देऊन हे ऐकावे. यात मी काय चूकीचे म्हणालो. मी अनुष्काला दोषी ठरवलेले नाही. ते पुन्हा ऐका, पहा. दुसरी कोणतीही हेडलाइन ऐकू नका. आपल्या कानांनी ऐका आणि डोळ्यांनी पहा. माझे मन स्वच्छ होते.

अनुष्का शर्माचा राग
अनुष्का शर्माने आपल्या पोस्टमध्ये लिहिले आहे, मिस्टर गावस्कर, तुमचा मॅसेज खुप विचलित करणारे सत्य आहे. पण मी तुम्हाला हे सांगते की, तुम्ही एका पत्नीवर तिच्या पतीच्या सादरीकरणावरून तिच्यावर आरोप करण्याबाबत का विचार केला? मला विश्वास आहे की, मागील काही वर्षात आपल्या खेळावर टिप्पणी करताना प्रत्येक क्रिकेटरच्या खासगी जीवनाचा सन्मान केला आहे. तुम्हाला वाटत नाही का की, समान सन्मान झाला पाहिजे?

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like