Devendra Fadnavis | ‘येणाऱ्या सर्व निवडणुकांमध्ये भाजपचा मोठा विजय होणार आणि एकहाती सत्ता येणारच’
file photo नागपूर : पोलीसनामा ऑनलाइन – आता पार पडलेल्या विधानसभा निवडणुकांमध्ये (Assembly Elections) भाजपला मोठं यश मिळालं आहे. यातील गोवा (Goa) राज्याची जबाबदारी विरोधी पक्षनेते देवेंद्र फडणवीस (Devendra Fadnavis) यांच्यावर होती. या विजयानंतर फडणवीस पहिल्यांदा नागपूरमध्ये (Nagpur) आले होते, त्यांचं जंगी स्वागत करण्यात आलं. या कार्यक्रमावेळी जनतेला संबोधित करताना फडणवीसांनी (Devendra Fadnavis) महाविकास आघाडी सरकारवर टीका केली.
महाविकास आघाडीचे (Maha Vikas Aghadi) दोन मंत्री जेलमध्ये आहेत आता लढाई शिगेला पोहोचली आहे. भाजपच्या (BJP) नेत्यांविरोधात खोट्या केसेस टाकल्या. पण मला सरकारला सांगायचं आहे की, तुम्ही कितीही केस करा आम्ही तुमचा भ्रष्टाचारी चेहरा जनतेसमोर आणल्याशिवाय राहणार नाही. येणाऱ्या निवडणुकीत भाजपचा मोठा विजय होणार आणि एकहाती सत्ता येणार असल्याचं देवेंद्र फडणवीस (Devendra Fadnavis) म्हणाले.
महाराष्ट्रामध्ये (Maharashtra) आता परिवर्तनाची लाट येत आहे. या भ्रष्टाचारी सरकारच्या विरोधात भाजपसोबत सामान्य माणूस आहे. आम्ही या भ्रष्टाचारी सरकारचा बुरखा फाडत आहोत. सामन्यांच्या लक्षात येत आहे की हे सरकार महाविकास आघाडी नाही तर महावसुली आघाडी आहे, अशा शब्दात देवेंद्र फडणवीसांनी सरकारवर निशाणा साधला आहे.
दरम्यान, गोव्यात मला काम करण्याची संधी मिळाली याबद्दल मी भाजपचा आभारी आहे.
हा विजय माझ्या एकट्याचा नाही तर भाजपचा आहे, असं फडणवीसांनी सांगितलं.
Web Title :- Devendra Fadnavis | BJP leader devendra fadanvis bjp will win in all upcoming elections says devendra fadnavis
Join our WhatsApp Group, Telegram, facebook page and Twitter for every update