Diet Plan For Better Memory Sharp Mind | अधिक वेगवान मन आणि चांगली स्मरणशक्ती हवी आहे का? यासाठी ‘हा आहार घ्या
file photoपोलीसनामा ऑनलाइन टीम – Diet Plan For Better Memory Sharp Mind | वैद्यकीय शास्त्रात मेंदू (Brain) हे आपल्या शरीराचे मध्यवर्ती प्रक्रिया युनिट (सीपीयू) मानले जाते. लहानांपासून मोठ्यांपर्यंत शरीराची प्रत्येक क्रिया येथून चालते. मात्र वयोमानानुसार मनाची शक्ती क्षीण होऊ लागते. वाढते वय, स्मरणशक्तीचा कमकुवतपणा, एकाग्रता आणि लक्ष कमी होणे, निर्णयक्षमता कमी होणे आणि पार्किन्सन-अल्झायमरसारख्या आजारांचा धोका वाढतो. पण हे आजार लहान वयात होऊ शकत नाहीत, असेही नाही. गेल्या काही वर्षांत ४० वर्षांखालील लोकांमध्येही अशा समस्यांचे निदान होत आहे (Diet Plan For Better Memory Sharp Mind).
आरोग्य तज्ज्ञांच्या मते, मन निरोगी (Healthy Mind) ठेवण्यात आहाराची मोठी भूमिका असते. आपण कोणत्या प्रकारचे अन्न खातो हे शरीर आणि मेंदू या दोघांची शक्ती ठरवते. म्हणूनच आपणा सर्व लोकांनी लहानपणापासूनच सकस आहाराकडे लक्ष देण्याची गरज आहे (Diet Plan For Better Memory Sharp Mind).
अनेक अभ्यासांमध्ये शास्त्रज्ञांचा असा दावा आहे की, निरोगी आहाराची लहानपणापासून सवय लावली तर वयानुसार मेंदूची क्षमता कमी होण्याचा धोका कमी होतो. जर तुम्हालाही आयुष्यभर तल्लख मन आणि चांगली स्मरणशक्ती हवी असेल, तर आहारात काही गोष्टींचा जरूर समावेश करा.
निरोगी आहाराचे सेवन आवश्यक (Eating A Healthy Diet Essential) :
आरोग्य तज्ञांच्या मते, मासे (Fish) खाल्ल्याने मेंदूची क्षमता अधिक चांगली राखण्यासाठी आपल्याला फायदे मिळू शकतात. मेंदूचा सुमारे ६० टक्के भाग चरबीचा बनलेला असतो आणि त्या चरबीचा अर्धा भाग ओमेगा-३ फॅटी अ‍ॅसिडचा (Omega-3 Fatty Acid) असतो. ओमेगा -३ फॅटी अ‍ॅसिड हा एक प्रकारचा प्रथिने स्त्रोत आहे जो मेंदूला निरोगी ठेवण्यासाठी आवश्यक आहे. माशांच्या सेवनाने या ओमेगा-३ फॅटी अ‍ॅसिडच्या गरजा पूर्ण होऊ शकतात. आहारात माशांचा समावेश केल्याने स्मरणशक्ती तर वाढतेच, पण मन निरोगी राहण्यासाठीही त्याचा खूप फायदा होतो.
कॉफी प्यायल्याने काय होतं (What Happens When You Drink Coffee) ? :
कॉफी पिणं हानीकारक आहे असं तुम्हाला वाटत असेल तर त्याच्या फायद्यांबद्दलही जाणून घ्या. कॉफीमध्ये २ मुख्य घटक असतात – कॅफिन आणि अँटीऑक्सिडंट्स (Caffeine And Antioxidants). अ‍ॅडेनोसिन नावाच्या रासायनिक मेसेंजरला अवरोधित करून कॉफी आपल्या सतर्कतेची शक्ती वाढवते. अ‍ॅडेनोसिन वाढल्यामुळे अनेकदा झोप आल्यासारखं वाटतं. बर्‍याच संशोधनात असे दिसून आले आहे की दिवसातून ३-४ कप कॉफी पिण्यामुळे पार्किन्सन आणि अल्झायमर सारख्या न्यूरोलॉजिकल रोगांचा धोका कमी होतो.
निरोगी मनासाठी काजू खा (Eat Cashews For Healthy Mind) :
मन निरोगी आणि सतर्क ठेवण्यासाठी आहारात काजू आणि बियांचा समावेश करणे आवश्यक आहे.
हे अँटीऑक्सिडेंट्स आणि व्हिटॅमिन -ईचे (Vitamin-E) चांगले स्त्रोत मानले जातात, जे वृद्धत्वासह संज्ञानात्मक क्षमता कमी होण्यापासून रोखण्यासाठी उपयुक्त ठरू शकतात.
विशेषत: मेंदूचे आरोग्य (Brain Health) चांगले राहावे यासाठी अक्रोडचे सेवन खूप फायदेशीर मानले जाते.
जे लोक नियमितपणे वाळलेल्या फळांचे सेवन करतात त्यांचे मेंदू वृद्धापकाळापर्यंत तीक्ष्ण आणि सतर्क असतात, असे अनेक संशोधनातून सिद्ध झाले आहे.
डार्क चॉकलेटचे फायदे (Benefits Of Dark Chocolate) :
डार्क चॉकलेट खाण्याचे अनेक फायदे आहेत,
त्यातीलच एक म्हणजे मेंदूचे उत्तम आरोग्य. डार्क चॉकलेटमध्ये फ्लेव्होनॉइड्स (अँटीऑक्सिडंट्स) सारख्या शक्तिशाली अँटीऑक्सिडंट्स असतात जे मेंदूला सुदृढ बनवतात.
चॉकलेटमधील फ्लेव्होनॉइड्सचे प्रमाण (Flavonoids Level) विविध प्रकारच्या मानसिक आजारांचा धोका कमी करण्यास देखील उपयुक्त ठरते,
तसेच शिकण्याशी आणि स्मरणशक्तीशी संबंधित नुकसान होण्याचा धोका कमी होतो.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Diet Plan For Better Memory Sharp Mind | diet plan for better memory and sharp mind in marathi know what to eat
Join our WhatsApp Group, Telegram, facebook page and Twitter for every update
Lobia Benefits | ‘हे’ कडधान्य आहे प्रोटीन-कॅल्शियमचा खजिना, हाडे-मांस बनवते मजबूत; जाणून घ्या
Satara Crime | दुर्देवी ! अंघोळ करताना शाॅक लागल्याने 12 वर्षीय शाळकरी मुलाचा मृत्यू